شعر المهايط

السلام عليكم ورحمة الله وبركاته..

أعضاء المـنتدى الكرام آعتذر عن التـقصير وقل المشاركه وتقبلو هديتي لـكم وهي

عباره عن قصيدة صديقي الشاعر الكبير محمد بن جلبان السبيعي


[POEM="font="Arial,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يامحامين الشعر وأهل الكتابه=يامرخصه الطباعه والشرايط
الشعر ماعاد له قدر ومهابه=ولا لشقه في زمان اليوم خايط
انفتح باب الشعر ونهج بابه=دون عرضه مابقى حارس وحايط
قام كلن للنشر يشعب ركابه=لين جاء كله مهايط في مهايط
لا قيود ولا حدود ولا رقابه=واغلبه من سكة الشارع لقايط
وماغدا شعر النبط برق وسخابه=ولا كسا روضه من الوسمي خطايط
اختلط بالبيد عجه مع ضبابه=بين فزعات المصالح والوسايط
صار فيه المبتدي ذيب الذيابه=يمتدح نفسه ويرسم له خرايط
مالقى من ينقده بأول شبابه=نقد صادق فيه تشجيع وسفايط
قام يرثع فارس القوم بزهابه=قصده الشهره ولو شعره سقايط
ودك انه لا امتدح حضرة جنابه=قيل له_ياشاعر الغفله_تلايط![/POEM]