محمد الجهني و حبيب العازمي

السلام عليكم ورحمة الله وبركاته

صباحكم بالخير والعز والمجد ياعيال بلي وش حالكمـ يارجال مع هالاجازه إن شاء الله طيبين

ما أطول عليكمـ اود ان اقدم لكمـ هذه المحاوره الشيقه التي جرتـ بين شاعرين كبيرين
هما حبيب العازمي ومحمد السناني واتمنى ان تنال على رضاكم .

حــبيب العازمـــي



يا محمد ترا في خاطري كلمتين
جاتك الاوله والثانيـه واصلـه
علم الحاضرين وعلم الغايبيـن
فيه علمن جديد ومشكله حاصله


محــمد السنانـــي



يا حبيب ياليت تعيدهـا مرتيـن
فيه نقطه مابين الحرف والفاصله
لا تحدث عن المقفين والمقبليـن
العرب عبر الإنترنت متواصلـه


حــبيب العازمـــي



ليه اكرر كلامي وانت قلبك فطيـن
مال لبعض النوايا في كلامي صلـه
كاشفينك على جوال ابـو شاشتيـن
والردي لو يضيق ارضاه قرن ابصله


محــمد السنانـــي


يا ذكي ما تمشيها على السامعيـن
قرصك الي تماريبـه تبـي تاكلـه
زاد قلبك على ماضيك شوق وحنين
مير وين انت لا زادن ولا راحلـه


حــبيب العازمـــي



حيلة الذيب ما تمشي على ابا الحصين
صاحبي خابره فالعيص والعيص لـه
رحمة الله علـى الحييـن والميتيـن
وانت رجلن طليق ورجل بالسلسلـه


محــمد السنانـــي



عاذل الله من الاجرام والمجرمين
صاحبي حط له قنصل ورا قنصله
فرقتن فالشمال وفرقتـن فاليميـن
كل واحد لبس بشته بعـد فصلـه