قصيدة للشاعر محمد سالم الميهوبي

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام الله سلام الله عليكم و أبرك الساعات = وساعة تجمع ارجال المعرفة كيف أوصفها
الا يا ليل و أجمل ليل لحظة و أسعد اللحظات = تمهل لي ثواني عملتي حرة و با أصرفها
ابا أصوغ القوافي غصب عنهن لي يجن طوعات = بيوتن عن مجال النقد و التعليق حايفها
رسالة عبر بث ارسال تسترسل لها الموجات = ملبسها عقود الماس باللؤلؤ ملحفها
إلساني لا تقول الا الكلام اللي عليه اثبات = على شان الرجال اللي تنومسني مواقفها
عساني كل ما جبت القصيدة في بلي بالذات = تنومسني . تشرفني و أنومسها و أشرفها
بلي ربعي لها هيبة و أهل نخوة و أهل فزعات = يشوش الرأس أبو نوماس لاعدت سوالفها
من أول عام هجري مع رسول الله لهم غزوات = صحابة مع رسول الله و هذا شيء يشرفها
لها تاريخ ما ينسى رجالن تحمل الرايات = نقش فوق الحجر لو الورق و الحبر يحذفها
ارجالن تعشق العليا مسمى شيوخها باشات = قبيلة شيخها باشا عباته ما تسلفها
وراثه طيبنا ما هو رسالة تنكتب بالشات = أقوله و الحقيقة مثل نور الشمس شايفها
و ليلة جمعتنا عند رجلن مبعد النظرات = ثمينه و الرجال اللي يميزها تكاتفها
حمود اللي جمعنا دامه الله و أبرك الحزات = بموقف له خيول الفكر نسرجها و نعسفها
بعد طاعن لفكري يا هجوسي بختم الأبيات = سواليف الرجال اللي يزكيها طرايفها
و أبا أصلي على محمد ما هي مره عشر مرات = رسولاً سن سنه كل مسلم ما يخالفها

[/POEM]