ياجد انا لمرافق البدو مشتاق

[POEM="font="Simplified Arabic,5,white,bold,normal" bkcolor="transparent" bkimage="./images/backgrounds/78.gif" border="ridge,5,gray" type=2 line=0 align=center use=ex num="0,black""]ياجد انا لمرافق البدو مشتاق=بوصف لك الموقف وهذا اختصاره
بوصف مواقف رجل لطيب سباق=رجل ابدويا مانشغل بالتجاره
يرحل الينه شاف له وضوح براق=مايشغله ياكود مرتع ابكاره
وشد ونزل بي واديا عقب مالاق=عشيا تخالط فيه زاهي خضاره
وجاه المطر من صافي المزن دفاق= وتو النزيل اليوم ثاني نهاره
ليلة اشتاء ومجود البيت برواق =وعن المطر كنا وقودا لناره
وعدى لواكف قام ينقط من اشقاق=ورخى المقادم لجل يسهل مساره
اول هللها للخمايل تصفاق=ويوم ارعدت صب المطر في غزاره
تجاوبا الوديه عقب ماساق=مزنا بروقه مثل ضو المناره
تشوف برقه بظلم االليل شعاق=يخيله اللي ممحلاتا دياره
وكف المطر قدام يبدن الاشفاق= قبل ظلام الليل يقفي سماره
وقام الذي من قومت الصبح ماضاق=والفجر ناره ضوهحها في وجاره
تسمع لها من قبل الاشفاق طقطاق=من خوف لايسبق على الطيب جاره
وجاب الدلال وصفهن زين الاخلاق= وحمس وقم طبخه وزود شقاره
وبعد ابرده في مبرد البن برفاق=دق اليماني ثم قدر بهاره
ويوما سمع جاره دنين النجر فاق =ودرج الداراعدها مثل داره
وهلا قصيره به بلازيف وانفاق=ويازين هرجه مالفت مستعاره
وجاب القدوع ودلة البن تنساق=وسوالفا ماجت ابربح وخساره
هذيك ياجدي لهااسحاق يشتاق =لا تحسبن اسحاق يبغي الحضاره
ياجد ماهي دايمه دوم بوفاق=لابد بالايام يصبح غياره
والله لوقال الزمن طاق طرباق=غير الذهب ياجد يتقص اعياره
اقولها والرزق من عند خلاق =والكون ماني عالما في مساره
والاحيات اليوم ياجد تلفاق=لاصارت البسه رفيقة الفاره
لصار خبزك طازجا وسط الاسواق=وصارالذلولك رخصتا وستماره
ولصار مطعوم المخاليق بحقاق=والدء طلع فيهم وزاد انتشاره
ياجد كيف الحمست البن تشتاق=لصار مهنا امسيرا بنتظاره
وان جاء سعى من بين الاجواد بفراق=والنار دايم سبتا من شراره
طويت سواليف العرب طي الاوراق=واللي مضى له فعل قل اعتباره
يلجد خل الوضع مستور باطباق=ماودنا نكشف ستاره
بيحت انا ماتكن الاعماق=والعود يعلم بالمواقف اصغاره[/POEM]