ويــنـ الـســعـادهـ ؟؟!

[POEM="font="Simplified Arabic,4,darkblue,bold,normal" bkcolor="transparent" bkimage="" border="solid,1,sandybrown" type=1 line=1 align=center use=ex num="0,black""]ياعبيد مادامت حياتي على الكيف=خسارتن ياعبيد ركضي وراها
المها ثمن تناثر تقل طيف =لون السحابة لاتنافر اسباها
عجف الليال الحالية والمزاليف=كن العذاب اللي مضى ماكفاها
بالليل نحلم بالغصون المواريف=والصبح كن اعصار بركان جاها
ليتي مع اللي ساكنين الاطاريف=دار العجم ياعبيد ودي وراها
ياعبيد بعض الناس تبسامته زيف=واغداق قلبه كن صاجن علااها
ترك الردي ياعبيد لاصد تشريف=خله او خل اهروجه اللي حكاها
ياعبيد مراتن تبلشك المجاديف=او مرات ينحى بالسفينه اغطاها
لو الحنش ياعبيد ماله خراشيف=اشلون يسكن حفرتن مادحاها
وان سلتني ياعبيد عن حالتي كيف=حال اللذي له ذاهبه مالقاها
اسعود ماجاني ولا مرني ضيف=واللحف ظميه ماتروى صفاها
يا الله ببلاجن اغضابن مراهيف=تكور تربة نجد من غزر ماها
من روضة التنهات لعويرض النيف =ابا يغطي قحويانه جماها
ابيه يشدى الورق في روعة الريف=مع ام سالم يوم يرجس اغناها
ياكبر حبي للطوال المهاديف =ذيييك الطوال اللي جذبني شذاها
واللي على الغزلان فاق التواصيف=ومن السمى تسعين زرقة سماها
وين السعادة للقلوب المواليف=واللي ترك دعج الحجي من غلاااها
ياعبيد ماتنسى حلات السواليف= ولا الغداف اللي عليَّه رماها
من ولعنه ضامرات السراجيف=يشيب والغزلان يتبع اخطاها [/POEM]