موروثنا الشعبي و تاريخنا الموثق من مصادره و فرسان القبيلة بالاضافة الى رجال شرفوا القبيلة في الماضي والحاضر.

قصيده وموقف

تقليص
X
 
  • الوقت
  • عرض
إلغاء تحديد الكل
مشاركات جديدة
  • قاسم علي القويعاني
    عضو اللجنة التراثية و الإستشارية
    • 23 - 11 - 2002
    • 995

    #1

    قصيده وموقف

    للموقف الطيب رجاله وبعض المواقف الطيبة تفخر بها القبيلة عامه وهذا مافعله والدي: علي بن قاسم القويعاني مع الروله من عنزه عام 1417هـ عندما أكرمهم واستعد لهم بتوفير الماء لهم ورفض اي مقابل لذلك وعندما رجعوا الى ديارهم قال شاعرهم / محمد علي جروح الاشجعي العنزي هذه القصيده مظهرا طيب ابناء قبيلة معهم عامة وكذلك المعروف الذي قدمه لهم والدي والقصيده:

    [POEM="font="Simplified Arabic,4,black,normal,normal" bkcolor="white" bkimage="" border="none,4,gray" type=0 line=0 align=center use=ex num="0,black""]ياالله يالي من ترجاك ماخاب=يا الواحد المعبود يارب الا له

    يا عالم اللي ما خفى وسط الالباب=يادامح الزلات للي ترجاه

    ياقابل التوبة على كل من تاب=يامثبت الإيمان من ساس مبداه

    يخالق الانسان من مي وتراب=ياباعث الإنسان من بعد مثواه

    أنا دخيلك يوم توزين وحساب=يوم البشر قدامك أحفاه وعراه

    بيوم مافية أحباب وصحاب و قراب=ياالله أنا طالبك رحمتك وهداه

    وبعد الثنى لله دونت بكتاب=من لولو القيفان جزله ومهداه

    أهديتها للي عريبين الانساب=بلي و نعم وعز من كانو حماه

    أمدح هل المعروف ما بني بكذاب=ومن ينكر المعروف شاة ولد شاه

    والا الردي في جلسة الطيب ما طاب=يدلوا هل المعروف هو يقصر ارشاه

    مجلاسهم فيه المعزه للاجناب=ورجالهم بالطيب ماتلحق أقصاه

    ورجالهم بالبيت للنار شباب=وقولت هلا في خاطره قبل مبداه

    ورجالهم وقت الشدايد والانشاب=سيف بوجه أيامك السود تنخاه

    للطيب عنوان و للمجد مرقاب=ومرقابهم عسر على من تعلواه

    يتلون شيخ عادتة فك الارقاب=ابن رفاده نعم وان جبت طرياه

    على عدوه سم أقطع من الداب=شيخ ولد شيخ تربى على صباه

    يوم السلاح السيف والشلف وحراب=عدوهم يرجع ذليل بمغزاه

    أيام دور الخيل والرمح وركاب=برماحهم كم واحد مات بدماه

    كان العذارى جدع بيض الاسلاب=كم من شجيع تروي السيف يمناه

    واليوم شدينا وبقي علم الاطياب=وعلم الفخر بصمة لكم دوم نقراه

    اللى على المشروع فاتح لك الباب=كلٍ يريد انك تروي على ماه

    (علي القويعي) للفخر دوم كساب=مثل البليهي ثار بالشيل وثناه

    وجدى عليكم والتوجد له أسباب=وبعض التوجد عيب لاحل طرياه

    وجدى على بيوت بها عكف الاشناب=ودلالهم دايم على النار مركاه

    فنجالهم أشقر على كيف شراب=ويقعد خوا راسك على الكبد محلاه
    وجدي عليكم وجد من طاح منصاب=طاحت ذلوله ونكسر وسط مسفاه

    يشوف عظمه لاصق بدم وتراب=يامن تحرك كسره الساق تشظاه

    بالقيض والدينا سموم ولهاب=الريق يبسة والعطش يبس أشواه

    أووجد من شالوه بقيود وخطاب=وصدر بحقه صك والشيخ ناداه

    وقال الوصية ورتجف خوف ورتاب=في لحظة ما ينطق الهرج بشفاه

    وشالوه للمسجد وساموه الاقراب=وعيا الخصيم وقال بالمال مرضاه

    شافت عيونه لمعة السيف بنصاب=بيمنى خساره يمسكه ويتحلاه

    وصلاة ربي عد ماهب هباب=على رسوله عد فرضٍ ركعناه[/POEM]
  • ابوفالح
    عضو جديد

    • 5 - 12 - 2004
    • 1130

    #2
    رد: قصيده وموقف

    استاذي الفاضل/ابو ناصر
    ليس بغريب على والدك وعليك العلم الغانم .

    تعليق

    • فايز ابن رويحل
      عضو جديد

      • 8 - 12 - 2003
      • 4695

      #3
      رد: قصيده وموقف

      ابو ناصر الله يوفقك قصيدة جزله ...ويستاهل علي القويعاني مدح القصيد
      انشهد انه اجودي

      دمت بخير ولا تحرمنا من جديدك
      اخوك
      اللهم ارحم والدي واغفر لهما

      تعليق

      • قاسم علي القويعاني
        عضو اللجنة التراثية و الإستشارية
        • 23 - 11 - 2002
        • 995

        #4
        رد: قصيده وموقف

        ابو فالح
        شكرا لمرورك ولا عليك زود

        تعليق

        • قاسم علي القويعاني
          عضو اللجنة التراثية و الإستشارية
          • 23 - 11 - 2002
          • 995

          #5
          رد: قصيده وموقف

          ابن رويحل
          شكرا لمرورك ولا عليكم زود يالغالي

          تعليق

          • سعود الهرفي
            عضو جديد

            • 18 - 1 - 2006
            • 7983

            #6
            رد: قصيده وموقف

            والله ونعم وألف مليون نعم بابو قاسم وبعياله ..

            ذكرتني استاذي العزيز // قاسم علي القويعاني في سالفة لاخيك // عبدالرحمن

            كنت ابي اشتري مزرع قال لي اذا شريتها البئر على وانا اقوم في حفرة لك هدية مني لك ..


            ولكن مانقول الا هذا الشبل من ذاك الاسد ..


            وسلمت استاذي على هذا الموضوع الرائع ..

            فألف شكر لك
            .
            الحمدلله .. الحمد لك يارب على النعم التي لا تحصى ولا تعد
            .

            تعليق

            • محمود الجذلي
              عضو جديد

              • 17 - 4 - 2004
              • 15630

              #7
              رد: قصيده وموقف

              ليس بغريب هذة العلوم على ابو الكرم والطيب ..
              .
              ابو ناصر ..
              سلمت يمينك .. والف نعم في ابوك وفيك
              .
              .

              لوْ منِ [ تمنىَ ] يــ درك اللي تمناه ,
              كنَتْ أتمنَى " شوفتْك " كل سآعه!
              ولوُيعطيِ الله كل شئ [ طلبنآهـَ ]
              طَلبتك أخ لي وووولو ~ بالرضاعهْ }

              تعليق

              • قاسم علي القويعاني
                عضو اللجنة التراثية و الإستشارية
                • 23 - 11 - 2002
                • 995

                #8
                رد: قصيده وموقف

                سعود الهرفي
                شكرا لك على كلامك الطيب ولا عليك زود وتستاهل

                تعليق

                • قاسم علي القويعاني
                  عضو اللجنة التراثية و الإستشارية
                  • 23 - 11 - 2002
                  • 995

                  #9
                  رد: قصيده وموقف

                  محمد الجذلي
                  شكرا لك على المرور وحفظك الله

                  تعليق

                  • ناصر عياد الوابصي
                    محرر صحفي بجريدة عكاظ

                    • 6 - 5 - 2005
                    • 2997

                    #10
                    رد: قصيده وموقف

                    [GLOW="CCCCCC"]أستاذي العزيز

                    ابـــــــــو نــــــاصـــــر

                    حياك الله

                    وهذا ليس مستغرب على ابيك
                    فنعم الرجل

                    تحياتي

                    ناصر ابن طليحه[/GLOW]

                    تعليق

                    • عايش سالم البلوي
                      عضو جديد
                      • 3 - 3 - 2006
                      • 527

                      #11
                      رد: قصيده وموقف

                      صح لسان الشاعر / محمد على جروح العنزي


                      ويستاهل الطيب راعي الطيب ابو ناصر


                      اشكر على تزويدنا بالقصيده وننتظر جديدك

                      تعليق

                      • قاسم علي القويعاني
                        عضو اللجنة التراثية و الإستشارية
                        • 23 - 11 - 2002
                        • 995

                        #12
                        رد: قصيده وموقف

                        اخي ناصر الوابصي
                        اخي عايش سالم
                        اشكر لكم هذه الكلمات الطيب ولا عليكم زود

                        تعليق

                        • بندر محمد المساوي
                          عضو جديد

                          • 3 - 9 - 2005
                          • 1952

                          #13
                          رد: قصيده وموقف

                          ابو ناصر

                          مدح أهل الطيب واجب على كل شخص نزيه



                          و الله يبيض وجيهكم على علمكم الغانم

                          تعليق

                          • ابوحسان الفاضلي
                            عضو جديد
                            • 27 - 9 - 2007
                            • 76

                            #14
                            رد: قصيده وموقف

                            اشكرك الستاذ قاسم علي القويعاني علي هذهي المشاركه
                            ابو حسان

                            تعليق

                            • بوبلي
                              عضو جديد
                              • 4 - 1 - 2008
                              • 92

                              #15
                              رد: قصيده وموقف

                              الله يجزاه بالخير ويجعلها بموازين حسناته
                              يستاهل المدح والذكر الزين والاجرعندالله بالاخره

                              ليس بمستغرب على والدك العلم الطيب والله يكثر من امثاله

                              سلامي عليك وعلى الوالد وربي يطول بعماركم
                              بوبلي

                              تعليق

                              يعمل...