مني لأبو نايف معاني قصيده؟

الى اخي مطير بن عليان الحمري البلوي حفظه الله
اذا تحركت المشاعر ينطق الوجدان ومتى يكون هذا؟ عندما تكون المواقف الرجوليه المشرفه اليك
مني يا ابو نايف

[POEM="font="Simplified Arabic,4,orange,normal,normal" bkcolor="transparent" bkimage="./images/backgrounds/95.gif" border="ridge,4,gray" type=2 line=0 align=center use=ex num="0,black""]
تهيظت بالفكر عندي قصيده=اقولها من حد عرفي بالاشعار
الشعرعندي له مواقف عنيده=ماهو على ماقيل طبله ومزمار
حتى يبين العلم نآخذ أكيده=ولا تظهر أشعاري بلا وقع وافكار
علم(ن) لفاني ما وصل في جريده=عبر المجالس مثل نشرات الاخبار
الصيت ذايع من قريب وبعيده=صيت المكارم والفعايل والاذكار
صيته مع الاجواد شيخ وبديده=سمعت صيته من كريمين وأخيار
حتى تهيض من كنيني جديده=,ابديت أنا المكنون عن كل مادار
مني لأبو نايف بعدها نشيده=تعزف من المعنى على كل الاوتار
هذا ابو نايف ما يحسب رصيده=ولا همه الا يكرم الضيف والجار
ما همته دنيا يراها زهيده=يطرد وراء المعروف من كان مغوار
عيبه صلاة الفجر ناره وقيده=يجذب سناها لافي البيت والدار
نجره ينادي للمسًير يريده=يضحك حجاجه لاقبل الجمع زوار
بيته مشرع ما انقفل في حديده=مفتوح بابه من نوى القرم مسيار
هداج تيماء ما تلاطم وريده= تصدر ورود العد والعد ماغار
من هو يحوز الطيب والفعل بيده=يستاهل التمجيد بالشعر تذكار
أقول هذا وافتخر به وأزيده=المدح ماهو للردي خامد النار
ماكل من يلبس عقاله وليده=الفرق واضح والمراجل لها كار
من وقت سابق والليالي شديده=له موقعاً بالطيب من وكر الاحرار
بيت الشعر معروف من هو يشيده=كم بيت اشوفه انحنى خلف الاسوار
كلن على مسراه يعرف فديده=وانا اعرف ان الجود يتعب ومشوار
مني لابو نايف معاني فريده= ابديتها بالشعر عن كل ما صار
[/POEM]