قصيدة المرحلة الاولى للشاعر // راشد

إليـــكــم القصيـــدة التي شـــارك فيها شاعرنا راشد فرحان منقرة البلوي

في المرحلة الاولــــى ( في الرياض ) :

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]لحرك الغربـي وذعـذع نسيمـه=وقفت طواريها جيـوش وطوابيـر
الصبر مفتـاح الفـرج والعزيمـه=اتقصر طوال المسافـات تقصيـر
حتى انت ياهتان في بطـن غيمـه=تجري بك الارياح من وين ماتسير
عنك استعظت اللي علينـا نعيمـه=الواحـد الخـلاق وال التدابـيـر
لو ان ماهـي قنبلـة هيروشيمـه=انهت مسلسل حرب من دون تبرير
ماودها عذر الخصيـم لخصيمـه=ماتتقـي لا دوروهـا المـدوايـر
صارت علـي العلـة المستديمـه=نفس المكان ونفس ذيك المساييـر
الوضع ماخالـف جديـده قديمـه=للحين تلعـب للطبـول المزاميـر
اعـوذ بالله والعنـك يارجيـمـه=لو يسلم المسلم من الضيق في خير
الحزه اللي نـوب ذنـب وظليمـه=لاكن عسى الله مايجنبنـي السيـر
اشره على حزب العنـأ يازعيمـه=لا عارضوك ولا عطوك التقاريـر
لو كان ماهـي للعقـول الفهيمـه=اللـي تقايسهـا بكـل المعايـيـر
العـام بالـي فيـه والله عليـمـه=واليوم فيه اكثر من العـام تغييـر
ماهي على جود اليديـن الكريمـه=تبغى عن التفسير مليـون تفسيـر
قـدام لعـل الـدوافـع غنيـمـه=نبغى نسويها ولا شـي مخاسيـر
لروحـت بخطوطهـا المستقيمـه=الظلم جور ولا على الله معاسيـر
من لا يدسم شاربـك فـي وليمـه=ماكيفك سـوق الـدلال المباهيـر
يحشمك رجـل معـوداً للحشيمـه=ومن لا يقـدر مشكلتـه التقاديـر
يبقى رجل ماله مع النـاس قيمـه=اليا حضر ياعمير وان غاب ياعمير
ياليل مـا دون القضيمـه قضيمـه=ودي تصير ابدونها بس ماتصيـر [/POEM]