أرثيك أنا يا أبوي 00؟

هذه الابيات
مرثيه
في والدي

[POEM="font="Arabic Transparent,5,white,normal,normal" bkcolor="burlywood" bkimage="./images/backgrounds/28.gif" border="ridge,10,black" type=2 line=0 align=center use=ex num="0,black""]
البارحه ليلي قضيته لحالي=النوم ياربعي على الكف والكــــوع
ابيع واشــري والليالي ليالـي=دنيا عناها داخـــــل الجوف مطبوع
دنياخذت مني عزيزاً وغـالي=شدت رحايل والدي مابها رجوع
مهما سكبت الدمع والدمع سالي=ما يرجع الغالي لـوأزج بدموع
الموت حق ومـن عزيز الجلالي=هذا قدر مكتوب ما عنه مرجوع
اقول ظاهــر راح وعـزتالي=على فقيد الـربع والقلب موجوع
بعدك انا يا ابويي يا شين فــالي=أقولها من قلب والصوت مسموع
حتى الثرى ينعاك غرب وشمالي=ومن الجنوب لشرق للديار ميقوع
كلاً بكى فـرقاك يا ابن الرجالي=هلت عليك عيون والكل مفجوع
يا راعي التقوى عريب الخوالي=من ساس ربعاً تزهي الفعل ودروع
ابواليتاما في ليالي خوالي=يامن زرعت الخير بالنفس مشروع
حتى القلم يبكيك عند المقالي=انت الفهيم وباسمك الراس مرفوع
أنت الكـرم والجود أول تالي= ريف المقاوى في ليالي مضت جوع
عزالرفيق وغيث من هو موالي=فيك الوفاء والعطف مع كل منفوع
سجل لك التاريخ فعل ومعالي=ياابو محمد انت بالقلب مزروع
الشعر يعجز يا رفيع الخصالي=يرثيك انا يا ابوي بالكم والنوع
فرقاك تبقى خالده في خيالي=حتى ألحقك يا ابوي والقلب مليوع
يا الله عسى مثواك فًَي وظلالي=في جنة الفردوس يسقوك قرطوع
صلاة ربي عد سوق الخيالي=على شفيع الخلق وتكون مشفوع
[/POEM]