مرثية بالفقيد الشيخ/ عتيق مسعد بن سهيه الصريبطي البلوي يرحمه الله

هذه القصيدة مرثية بالفقيد الشيخ / عتيق مسعد بن سهيه الصريبطي البلوي يرحمه الله

والتي سطرها حزناً و المً بفقدانه الشاعر / ناصر عواد الصريبطي البلوي

[POEM="font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]الشيخ بأمر الله طريقه رحلَّه=وقفايته صدمه ما نلقى دواها
بقلوب ربعه جرح ما يزيل غله=بقفايته كل القبيلة كواها
وش عاد ياللي تكتم الدمع هله=العين لا تحبس وراء الخد ماها
في صف ربعي شفت ميله وخله= خسارةً ما حداٍ يحدد مداها
فقيدهم مفقود زوله وظله=لو كان فيه رجل يذري ذراها
النجم حول من سماه المطله=واظلم حدود أرضه وظلم سماها
عتيق بعده ظلم الكون كله=دار القدر و النار غطا سناها
مرحوم يا للي كل عقداٍ يحله=يقدم على الشده ويمسك عصاها
شيل المثاقل كلها يحتمله=لا قامت الشدات تطحن رحاها
زعيم رايه والكرم عادتنله=ما جمع الخزنه وصى وراها
دايم حجاجه للمسير يفله=مجالسه للضيف مطفا ضياها
أجزل حياله للنشامى يتله=وضيوف ربي ما يحسب عشاها
ومبهر البغداد دايم يسله=قدم الرجال اللي يونس نباها
مرحوم يا للي صاحبه ما يمله=اللي مجرب خوته ما نساها
كلن بكى فرقاه واللي حصله=حتى السباع اللي يلجلج عواها
وصفوف بغداد المهيل بكنله=تبكيه لو ما حي يسمع صداها
والأجنبي قبل القريب حزنلّه=عالم ورى عالم بكت من بكاها
لكن الله اللي قدرته في سجله=أجل الأوادم سجله في خفاها
أمر الله العلي على كل مله=ما نشك بأمر اللي خلقها و فناها
يالله ما غيرك حداً نبتهله=يا سامع الامه وقابل ادعاها
يالله تغفر له على كل زله=يا فارج الضيقة على من عناها
عساه بالفردوس الأعلى محله=يا رب تقبل دعوة اللي رجاها
وآخر كلامي خيرة الهرج جله=صلوا على اللي كل الامه هداها
صلاة ربي عد ما تفوح دله=على رسول الله في منتهاها[/POEM]