نصف الفية التشتت

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أرقب على روس الطوال إلين يغشاني النهار = أرقب اوانا في مرقبي مدري وش اللي لي جرا
باكر يجي منك الخبر باكر يذكون الحوار = باكر يبي يطلع سناها من تحت عرق الثرى
تقفي وتقبل والولد يشب فوق النار نار = تقفي وتقبل والرجل تلقى محلاته ذرى
ثالث نهار العيد مدري ثالث أيام الحصار = ثالث نهار يجيك منها خطر عمره منقرا
جابوه عميان القلوب اللي يكبون البهار = جابوه عميان البصيرة يابرى حالي برى
حالي تردت عقبها حالي غدت مثل الوجار = حالي تصيح إمن القهر والعين ماتبغى الكرى
خميتها واخطيتها خميتها والطير طار = خميتها وأخطيتها علم بها اللي ما درى
دسيتها بين الظلوع دسيتها والدم فار = دسيتها بين الحنايا لا تشوف أولا ترى
ذيب المحبه ما يهاب يكتب وعنده لي قرار = ذيب المحبه ما يهاب ضاري عليها وقد ضرا
راقبت ليلي والعرب دايم يفكون الستار = راقبت ليلي والنشاما ماتبي ترجع ورى
زهبت بندق بالفشق إيلين تالي الملح ثار = زهبت بندق والرمي مايخطي عيونن ترا
سويتها سويتها وازنتها مثل العيار = سويتها سويتها والليل دوبه ماسرى
شديتها فوق الكتوف لاكبار ولاصغار = شديتها بين الكتوف والدم دوبها ماجرا
صوبتها وعطبتها يمنى تجيب الثار ثار = صوبتها وعطبتها علم بها اللي مادرا
[/POEM]

وسلامتك
ثامر ظميان البلوي