للـــخــيـــل خيال ...

[poem=font="Times New Roman,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ســر يا قلم واكتب ترى الحق ينقال =اكتب بيوتنا ما يتخالف نهجها
يا مرحبا واعداد ما هل همال = باللي هروجه تشهد لمن هرجها
علمه وكاد مميز بكل الاقوال= ما هو سوات اللي هروجه دمجها
للهجن هجان وللخيل خيال= كل العلوم الطيبات انتهجها
يا صاحب في كل الاوقات رجال = ايامنا هذي تزايد همجها
ايامنا ما بين نازل ورحال= وتورط الغافل بضحكة حجـجها
يحط في مخباه بيجر وجوال =ويدور طيور السماء ويخدجها
يركض على رجله ليا خيل خيال =والرجل عن درب النشاما يعـوجها
ما يدري ان الوقت ما يدوم لو طال= لابد ما نفسه يحس بحرجها
ايام فيها علوم ..عراض ..وطوال = وكم هرجة بصدورنا ..ما نهرجها
يا مل عين شافت الوان واشكال = والقلب به ضيقه تونى ..فرجها
الوقت قهواني همومه بفنجال = واهون هموم الوقت كبدي سهجها
وارع السديري صادق بكل ما قال = رجلك ليا ضاقت لياليك سجها

[/poem]
....