خلاص أبرحل الشاعروائل البلوي

[poem="font="arabic Transparent,5,red,bold,normal" Bkcolor="transparent" Bkimage="" Border="none,4,gray" Type=2 Line=0 Align=center Use=ex Num="0,black""]ياحب ارحـل خـل قلبـي بحالـه=راحت حياتي كلها منـك بطعـون
الشاعـر اللـي مالقيتـي بدالـه=يمكن عيونك عقب فرقاه يبكـون
طبع الغدر يابنـت مالـك ومالـه=وين المحبة اللـي أول تقولـون
وين الجواب اللي يبَـرر سؤالـه=وين الحبيب اللي من أجله تموتون
هذا زمان الكـذب ماخـذ مجالـه=يامر عليكم وأنتم اللـي تطيعـون
والله أنا لأشكيـك عنـد العدالـه=وأقـوّم العالـم لاقلـت تكـفـون
واطرح قصيده فيها معنى الجزاله=وأخلّي شيـوخ القبايـل يلَبـون
خلاص أبرحل والرجوع استحالـه=بنسى غرامك يوم أنا فيك مفتون
فرقـاك بعيونـي تزايـد جمالـه=ترى البـدو يابنـت لا مايحنّـون