طبخة الجوعـ......؟

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الأصيل اللي غدر فيـه الزمـان وغشـه=راح يركض وامتطى مهرة شموخ أجداده
وكل جايع قال غده يـا السميـن وعشـه=من عطايا الهاجس اللي معلن استعـداده
قالوا الموهوب بكبـار المـدارس نشـه=قال يمكن كـل درب يكـون لـه روّاده
يحسب الموضوع صفق للجزيـل ومشـه=مادرى ان اللي يبا التصفيق ينسا امجـاده
خاب ظنه والطموح الوقت الاقشر حشـه=والقصور اللي حصـل بالنظـره النقـاده
ايه يوم الواقـع اللـي مابوجهـه بشـه=استباح الظلم في وجه الاصيـل وعـاده
والاصيل ان شوّش الوقت وحصل به وشه=يصفي ويصفي ويصفـي فعلـه بميعـاده
يتبع رسـوم الخيـال ويسـأل الله رشـه=عارف اللي مقتدر واللي ضعيـف إراده
شاف عورة بهرجة وقته وهـي منخشـه=في مشالح فاتنـه ومـن المعانـي سـاده
طبخة الجوعى بها خف البعيـر وفشـه=وقدرها يوم انكشـف شفنـا وعفنـا زاده
رحت ابا القصر الجميل اثر القواعد هشه=يـوم شفتـه قلـت يامسكيـن يامرتـاده
والرسيفر مصدره يابـو مشـاري دشـه=وانت تفهم في مقاديـر الزمـن وعنـاده
الصغير اذا لقا البـاب الصغيـر يخشـه=والكبير دروبـه تضيـق ويتـم ابعـاده
خل عصفور الامانـي يستريـح بعشـه=دور الاحرار انتها وانهار رمـز اسيـاده
راعي السيف اغمده وسط الجراب وطشه=وكّـل الله ثـم وكّـل فـي بـلاده قـاده
كم قصر يشوفه بعيـن الكرامـه عشـه=وكم حلـمٍ يدفنـه عنـوه بعـد ميـلاده
النهايه ياعزيـز النفـس عفشـك قشـه=القضيـه مسرحيـة سـيـدات وســاده[/poem]