قصيدة للشاعر / ساعد بن عوده الألبد يرحمة الله

بسم الله الرحمن الرحيم

السلام عليكم ورحمة الله وبركاته
هذه اول مشاركة لي بالمنتدى وهي عبارة عن قصيدة للشاعر / ساعد بن عوده الألبد رحمة الله مليئة بالمواعظ والنصائح ولها مايقارب 65عام رواها لي الراوي / سعود بن عواد بن سعيد العرادي البلوي .

اترككم مع القصيدة :

[poem="font="simplified arabic,4,white,bold,normal" bkcolor="transparent" bkimage="./images/backgrounds/3.gif" border="solid,4,darkred" type=2 line=0 align=center use=ex num="0,black""]
قلت آه ماني عارفاً ويش ما قول=هاجوس في قاصي ضميري غدابه
يا مل قلباً دب الأيام مشغول=ومن تابع الدنيا كثيراً عذابه
ما صفت الدنيا مع العبد بكمول=لونه ركض في حامي الحيل جابه
يا مزبّر الدنيا إليا جاك زهلول=قصاك ما عقب على العمر ثابه
أعرف إليا إنك مت للقبر منقول=حطوا عروشه وثم ردوا ترابه
وليا اقفوا الدفان مثابك القول=جاك العميل اللي شديداً إحسابه
ينشدك عن عملك وعن كل مفعول=وعن دينك اللي في جبينك إكتابه
أنا غبطت اللي البيته يحجون =يخش في بيت الحرم والتوابه
خلص عنه دينه وهو قبل مديون=ربي قبل حجه وكاتب ثوابه
مخلص لوجه الله من حيث يدعون=في يومه الماعود يوم ادعابه
ذمتك لو يعطونك الفين مليون=قصراً عمر وإن بعتها في خرابه
والدّين لا تراعي بها من يحلفون=ناراً سناها حرقت بالتهابه
تخرب وتذهب يا ملا كود تدرون=وتلعب على الديران لعب الربابه
وليا نويتم طرقتن ضارباً حول=حذور تبدي للخوي عفن جابه
ترى الخوي عن خوت الربع مسؤول=وإن نشدوه اللي مضا منك جابه
والضيف ضيف الله ومن قبل مقيول=أنه محصن عن اعلُوم المعابه
تراه ما هو ضيف عندك إلى الحول=الصبح باين لـه طريقاً مشابه
واحمل خمال الجار تراه مشيول=خلك لجارك قفرتاً بطن لابه
زيّن جوابك لا توريه بزعول=واللي بقلبك متقي مشتفا به
وشّيم رحيمك لو غدا شوك يافنون=أوفه ما جوبه لو واجبك ارتدا به
لا تراعي اللي بالبغاضه يهرجون=اللي يذوب حكيهم في عجابه
وعمك وخالك شيمهم فرض قانون=فيهم من الوالدين عرقاً نشابه
أدمح لهم لو إنهم فيك يردون=وإن جاك واحدهم قله هلا به
ولا تصاحب اللي بالسوايه يهرجون=أبعد كلابك لا تنابح كلابه
لا يخش عقلك قولتاً لك يقولون=ترى السوايه من تبعها ذهابه
وأحرص عن اللي غيضهم لك يضدون=لا تشاري اللي يكصم العظم نابه
خلك عن التايهات بالعقل مصيون=ترمي حلا لك في ملاعب أذيابه
تراء الغشيم بحسبت اللي يعيلون=يبغا يدور وصار دير العشابه
وأحرص عن اللي لو هرج معك ملعون=عدو دخلاني صديقاً جوابه
له هرجتاً تدع الطماميع يدرون=وثمين قال خله يسدون بابه
وأوصيك لا تزرع جمايلك بعفون=ترى الردئ معاوضه لك إطلابه
وإليا زرعت الطيبه جاك بادون=ولين ماشي فايده من جنابه
والطيبين بسد عازتك يا فون=الطيبين معارفتهم اكسابه
وشرفك مالك كود ما صرت صعنون=إليا حدرت أرشاك جاك الروابه
يا كثر صدقانك ابحوضك يصبون =طيبك يسوى لك منازل وبابه
وإن راح مالك ما تحصل بغليون=تنكرك بالمعروف حتى القرابه
وأشوف راع المال يشره على فنون=يقعد مقاعد مقحمين الحرابه
وأشوف بالدنيا خلايق يعملون=نص العرب شين العمل ما يهابه
ما برقوا في كثر حينْ يقفون=وسمر الليالي مستجده اثيابه
جيلاً بثر جيلاً تقافوا يطرون=وين الرسول وين جيل الصحابه
وجيلاً إلى جتهم رحايل يشدون=مسكان من وصله طويل المدابه
[/poem]


وسلااااااامتكم...

ننتظر ردودكم...

يعطيك العافية على هذه القصيدة / ورحم الله الشاعر / ساعد الألبد .

فهو شاعر الحكمة

الله يعطيك العافيه يابو عواد على هالقصيده الجزله للمرحوم الشاعر الكبير ساعد الألبد ..