ماأبي أضيق خاطرك وأنت مرتاح

السلام عليكم ورحمة الله وبركاته


[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]ياصاحبي طالبك خلني بـــ حالي=ماأبي أضيق خاطرك وأنت مرتاح
يا صاحبي وإن غبت عنك ليالي=غلاك باقي بـــ الحنايا ولا راح
تبي أسولف لك وش اللي جرالي=أخاف يمسح قولنا الصبح لي لاح
أجل تعال أجلس هنيا قبالي=دام الحطب طاح وكثير التعب طاح
لو كل شخص إليا عطيته وفالي=ماكان بــ الدنيا حزن ليل وجراح
ولو كل غالي قدر إحساس غالي=ما شفت ذاك الدمع من محجره ساح
ولو كل قلب من الحسد جاك خالي=مايشتكي من شح الأمطار فلاح
ولو كل واحد جاك طبعه مثالي=ماكان بــ الدنيا سجن ناس وإصلاح
ولولا الذنوب اللي بــ كبر الجبالي=ماكان جيش الكفر لــ بلادنا إجتاح
ولو الردي يعرف شــ معني عيالي=ماقط أبوه بــ دار الألام ياصاح
هذا بعض حزن السنين التوالي=طير الحزن مبطي على خافقي ناح
ما أقول أن الخير ماله مجالي=لا والذي يفلق من الليل الإصباح
لكن هنا بعض الألم يا حلالي=وأنا أدري أن العود يوم أحترق فاح
أول أقول إني صبور وشمالي=واليوم لا والله أنفجر سدي وباح
ما قلت لك يا ذيب خلني بــ حالي=هذا أنت ضقت وأذكرك جيت مرتاح[/poem]

وأتمنى أن تحوز على رضاكم
وتحياتي لكم
أخوكم الـــمــــروانــــــــي