المجد التليد

[poem="font="simplified arabic,4,darkblue,bold,normal" bkcolor="transparent" bkimage="./images/backgrounds/20.gif" border="none,4,gray" type=0 line=0 align=center use=ex num="0,black""]البارحه يوم (ن) كلن راح لفراشه ونام = قامت تزاحم في خفوقي دقها وجلالها

هواجس(ن)بين الضلوع الحدب تنشر بالعظام= حتى فقدت الوعي والدنيا فقدت ارسالها

صحيت من غيبوبتي يابو عمر ماني تمام = عجزت زنودي لاتعدل غترتي وعقالها

والروح مهزومه ومطعونه بشلفاء الانهزام = والرجل من كبر الوهن ثقلت عليها نعالها

تغيرت شخصيتي يمكن بدايات انفصام = تاتيني الاشكال معكوسه بغير اشكالها

عجزت اميز بين جلباب المذله والسلام = تفرض علي كل البوس اقصارها وطوالها

رضى بها يابو عمر لاونها فوق الحزام = واللي رضي بالعايله تكثر عليه امثالها

راحت وانا اناظر لها راحت مراويح العمام = اللي تقفاه الهواء يصفق غزير خيالها

لانالت يديني عنب صنعاء ولاتفح شام = الا ثمار الحنظله بين اليدين اشتالها [/poem]



[poem="font="simplified arabic,4,blue,bold,normal" bkcolor="transparent" bkimage="./images/backgrounds/23.gif" border="none,4,gray" type=0 line=0 align=center use=ex num="0,black""]سلام يالمجد التليد اللي مضـى لـه كـم عـام = سلام يـا طهـر القلـوب الناصعـات أفعالهـا
بعد الغياب اللي حصل هل تسمعـوا منـا كـلام =نبغى نخبركـم عـن الدنيـا وكيـف أحوالهـا
كنا سواء في مركب الإنقـاذ وبنفـس النظـام = خضنا البحور الهايجـات و لانخـاف أهوالهـا
كان الهدف سامي وكنا نور في وجـه الظـلام = وعزالله اني كنت من روس العـرب وابطالهـا
لين اضحكت في وجهي أم الحسن وارخت باللثام = وغرتنـي بكثـر الغنـج وبكحلهـا وخلخالهـا
تمكنـت مـن قلبـي المسكيـن لاحـد الهيـام = مـا دربـي إلا دربهـا ولا حالـي إلا حالهـا
في كل ما تبغى سعيت ولا علـي مـن المـلام =ذليـت نفسـي لأجلهـا لا جمـل الله حالـهـا
من شانها ضحيت بالأصحاب والربـع الكـرام = هي بس تأمرنـي وانـا انفـذ جميـع أقوالهـا
وبعد الوفا والتضحية ورتنـي أنـواع الخصـام =غابت وانا وسط البحر في حالـةً يرثـى لهـا
لا صرت مع ربعي هل القارب و لا نلت المـرام =وفرصت نجاتي لا بدت مـوج البحـر يغتالهـا[/poem]