حنا با ايجار وامي مريضه والحال يعلم بوه ربي

السلام عليكم ورحمة الله وبركاته
اخواني اطرح لكم هذي المشكله وانا عارف ان يمكن ما القى فايده بس اني بعرض حال جارنا لكم وهذا اللي اقدر عليه حيث اني مو موظف
جا جنبنا شايب قبل شهرين واستاجر بيت جنبنا واختفى بعد خمسة عشر يوم جوا وسكنوا شاب عمره يمكن 28 ومعه امه واخوانه سبعه كلهم صغار هو اكبرهم
يوم سكنوا عزمناهم والشاب اعتذر بدعوى ان امه مريضه وهو مشغول بحالها
الولد ما شا ءالله
شاب محافظ على الصلاه سالته من اي القبايل انت قال بلوي جايين من الديره
والشاب من المسجد للبيت ولا يزور احد
سالته بكم مستاجرين قال ب 1100 بيت شعبي سالته وين شغال قال والله متخرج ولسا ما توظفت
والله ان امي زارتهم وضعهم سئ للغايه وابو الشاب رجل كبير بالسن عنده سبعة عشر فرد وكلهم صغار وساكن بالديره وام الشاب مريضه نفسيا
والله امس شفته بعد صلاة الفجر موديها المستشفى
والله لو بيدي شي لاسويه لهم بس انا زيه متخرج ومو بوظيفه
تخيلوا انه يروح يكد بالخرده السياره اللي معه ما يلحق على شراء موية الشرب بس
اتمنى يا جماعة الخير لا تتخلو عن هالشاب اللي يقدر يبساعده لو بوظيفه اقل شي يأمن حال اخوانه
اضع هالموظوع امانه برقاب المسؤلين بهالمنتدى المبارك
وكل عام وانتم بخير وصحه وعافيه