تويت
السلام عليكم ورحمة الله وبركاته
من العايدين بعد الزحمه
وكل عام وانتم بخير
نص واتمنى ان يرتقي للذائقه
من العايدين بعد الزحمه
وكل عام وانتم بخير
نص واتمنى ان يرتقي للذائقه
[poem="font="simplified arabic,5,black,normal,normal" bkcolor="transparent" bkimage="./images/backgrounds/8.gif" border="none,4,gray" type=0 line=0 align=center use=ex num="0,black""]يا صاحبي ما باقي إلا المعزه=العمر يمضي والزمان ابتزازي
تعبت وابغا اسلم بعمري وادزه=يم السعه مالي على الضيق وازي
يوم ارتكز راع الملز بملزه=قررت أغيّر موقفي وارتكازي
إن قلت أغامر بالغلا واستفزه=صوت الشماته مثل صوت التعازي
الغصن باللي فيه لابد أهزه=وان طار عصفوره جنيت اعتزازي
إلى متى وأنا مثل شعب غزه=داخل محيط العالم الانتهازي
نصبر وصبر نفوسنا اللي تقزه=ما يعتبر مغزى ولا هو بغازي
خطّاني إحساسي ولا ني منزّه=أخطيت بمعاند حقوق امتيازي
حلم الشقاء في كل ميعاد أرزه=ما باقي إلا أسجله في جوازي
واللي يحز بخاطري كل حزه=نكسة ميولي وانعكاس انحيازي
الفاتن اللي كنت أحبه واعزه=إنسان جاحد بالغلا ما يجازي
أسوق يمه ود قلبي واكزه=وعني تسوقه غطرسة فكر نازي
خذ الخبر جمله وإذا شئت جزه=انا وزين الوصف مقفي وعازي
ما نلتقي لونه قريّب وألزه= خطوطنا دايم بحالة توازي
يا صاحبي ما باقي إلا المعزه=صبرت واجد والزمان ابتزازي[/poem]
وللجميع التحيه
البحـــر ( محمد عوده القويعاني)
تعليق