قصائد شعرية ، محاورات شعرية ، قصائد وشيلات صوتية .

قبل المنيه

تقليص
X
 
  • الوقت
  • عرض
إلغاء تحديد الكل
مشاركات جديدة
  • الرواسي
    عضو

    • 9 - 9 - 2008
    • 2930

    #1

    قبل المنيه

    نزعل ونتكبّــر وحنا من الطيـــن


    والكل منا صــــدّ لا أقبل خويّــه



    نفخر نقول إنا على الصد قاوين


    وهــــيّ علينا في الحقيقـــــة قــــويه



    نشفق على الطيبة و كسب الكريمين


    وهذي بنا لاشك فعــــلة رديـــــــــه



    ننسى نهايتنا وعلى وين ماشيــــن


    وننسى الزمان اللي جمعنا ســـــــويه!



    المشكلة ماهي بـ حاجة لــ تخمين


    ولاهي بعد ياناس صعبـــــة القضيـــه



    دق الرقم : كيفك هلا فيك وأهليــن


    أنــا الخـــوي اللـي مـــــزعّــل خويــــه



    قلّه : تغيب وصـــورتك داخل العين


    ويبقــى لـ حبك في خفـــوقي بقيـــــــــــــــه



    أخوان حنا لو يجي بيننا شيــن


    و مانفتـــــــــــرق دام المحبـــــــة نديــــه



    خلك قــوي لاتحتــــكرك الشياطين


    قبل الفوات وقبل وقت المنيــــــــــــــــه



    كلّم خويــك بـــ اطيب الهرج واللين


    وأعرف جميل الهرج يمســــح رديـــــــه



    هذي هي الدنيا من الحين لـ الحين


    لابد بين الناس. تحصــــــل خطيـــــــــه



    ومن لايقدّر غلطــــة أحبابه الحيــن


    يقـــــرأ حـــــروفي ويعتبرها. هــديه



    باكر تمر سنين وسنين وسنيـــــن

    والــــــكل يرحـــــل في الدروب المـــــديـه!!

    صدقني تندم وأذكر حروفنا زين


    تندم على خلك إذا غاب ضيّـــــــــــــه!



    دنيا غريبــــة وأكثر الناس ماشين


    وكم صــــاحب والله دفنته بــ يديــــــه
    أستغفر الله العظيم
    عدد ما كان
    وعدد مايكون
    وعدد الحركات والسكون
  • قمر عنزه
    عضو جديد
    • 14 - 11 - 2008
    • 44

    #2
    رد: قبل المنيه

    تغيب وصـــورتك داخل العين
    ويبقــى لـ حبك في خفـــوقي بقيـــــــــــــــه

    الرواسي
    صح لسانكــ وفالك البيرق
    تقبلي مروري العطر

    تعليق

    • الرواسي
      عضو

      • 9 - 9 - 2008
      • 2930

      #3
      رد: قبل المنيه

      المشاركة الأصلية بواسطة قمر عنزه
      تغيب وصـــورتك داخل العين

      ويبقــى لـ حبك في خفـــوقي بقيـــــــــــــــه
      الرواسي
      صح لسانكــ وفالك البيرق

      تقبلي مروري العطر

      صح لسان كاتبها

      تسلمي ياعسل تواجدك
      أستغفر الله العظيم
      عدد ما كان
      وعدد مايكون
      وعدد الحركات والسكون

      تعليق

      يعمل...