بسم الله الرحمن الرحيم
أنـثـر اليـوم لكم احـدى قصآئـدي القديمـه ولـكنها المقربه لي بشكل خاص
وكلي امـل ان تلآمس عواطفـكم وان تنال استحسانكم وان ترقى لذائتقكم
!أنـثـر اليـوم لكم احـدى قصآئـدي القديمـه ولـكنها المقربه لي بشكل خاص
وكلي امـل ان تلآمس عواطفـكم وان تنال استحسانكم وان ترقى لذائتقكم
[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شـفت طفله في ملامحها حـزينه = وشفت شيآ حاير بداخل شفاها
وشفت دمعه في محاجرها رهينه = وشفت حزنآ من طفولتها غشاها
قلت امك وين راحت لي مدينه = ليه خلتكي ولا رحتي معاها
قالت امي راحت لدنيا دفينه = وسط قبـرآ مابه اي احدآ سواها
تعتليها لبـنه وتربه وطينه = والقماش الابيض الخام اكتساها
والجسد من بعد غسله شايلينه = للصلاة وكلهم صفو وراها
والنعش راحو ورجعو رافعينه = واللي صلى راح يتبعها خطاها
لين وصلو كل شي مجهزينه = وقبلوها واودعـوها في ثراها
ماتت امي يوم جابتني جنينه = واحـرمـتني دنيتي لذة دفـاها
قلت ابوكي قالت المولى يعينه = هايمآ في خالتي يطلب رضاها
ماتت امي واتركتني للطبينه = عايشه في ظلمها وشـدة قساها
اودعتني بغرفتي مثل السجينه = مااشوف الارض ولا انـظر سماها
احرمتني من ابوي ومن حنينه = وعيشتني بنار ماغيري وطاها
ان بغيت الشي قالت ماتبيه = وان بغت هي شي يتحقق رجاها
ان طــلبت ابـوي يـتعـقدجـبيـنه = خاف منها ماقوى لحظة جفاها
وصرت مثل الضايعه في وسط عينه = ماني بنته وكل شيآ من وراها
ماتت امي وصرت لاحزاني رهينه = ماتت امي وماتت افراحي معاها
ادعـي الي كل خـلقـه مرتجيـنه = رب هــذا الـكون ومسـير هواهـا
يرحم اللي ساكنه وسط الدفينه = ويرحـم عيونآ تـحدر كل مــاهـا[/poem]
رسااااالـه واضحـه / عبداللطيف الـ ح ـمرانـي
!
تعليق