* هـــبـوب الــفـــكر

[poem="font="simplified arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياهبوب الفكر والاشعار هبي وادفعيها = ادفعي سحب القصايد بالمعاني واعتمدها
حركيها من جنوب ومن شمال وسرعيها = وامطريها شعر بسطور الورق ثابت سندها
هلليها من حقاق الشعر وبالجزل ارفعيها = والجزاله شف بالي قبلها والا بعدها
سيلي كل المحاني شعر والا نقعيها = ديم يرويها تردد بس يطربني رعدها
شبعيني بالهوايه والهوايه شبعيها = شاعرٍ يملي شروطه بالعقود اللي عقدها
والجزاله في بيوت الشعر طبعي واسمعيها = في حصانه تنطح النقاد يرجع مانقدها
بعد هذا استقبليها وبحفاوه ودعيها = والعيون الرامده تمسي وتصبح في رمدها
واهمسي باذن الحقيقه ياحقايق واوجعيها = بيض الله وجه شاهد بالحقيقه لا شهدها
واقدحي يازند شعري بالفتيل وولعيها = قدم شعار الحدى اللي ماحصينا في عددها
وارفقي في كل صوره من يجد ولمعيها = يربح الحصاد زرعه خير لا منه حصدها
ونقحيها من هجوس الشعر مره واطبعيها = وان صفا جو القصايد صفوها يبعد نكدها [/poem]