سرياقلم لو كان يامثقل السير

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سرياقلم لو كان يامثقل السير =سر وانثر الولو على بيض الاوراق

لو كان لي مده وانا شابك الطير=هاض القصيد او طار طيري بالافاق

سر ياقلم ماعاد فيها معاذير=خلك كما حرن على الصيد مشتاق

لو كانت همومي تصف الطوابير = شلت الحمول الي ثقيله ماتنطاق

اشيلها وابرك لها بركة بعير = اشيلها لو كنت واقف على ساق

يابو حمد شفت الحلا حزت عصير=شفت الخدود الي كما لوح براق

شفت العيون الناعسات المداوير =عيون حر لحومة الجو شفاق

يابو حمد ام اليدين المناكير = ماكنها الا شمس في وقت الاشراق

يابو حمد وش هي تفيد التحاسير = راحت بجمسن ينتل الجمس سواق

وتليت انا الكابريس حتى عوى السير= تلة ونيتِ يوم تلوه بسباق

ويوم ان ربي قد كتب بالمقادير = يابو حمد حنا ترى اليوم عشاق

حب الشرف على معزه وتقدير = ماني بصاحب في عهد صاحبه باق

هذا وانا ناوي على نية الخير = ماقلتها ياصاحبي كذب وانفاق

قالت من انته ؟قلت نسل المناعير = يوم التقى الجمعين والدم دفاق

ياما قطعنا بالسيوف البواتير = بالحق يمنى كل بايق وسراق

وياما كسبنا ذود وضح او مغاتير = فعل النشامى يوم يبسات الارياق

ربعي بــلــي من سطر المجد تسطير= يكفي كذا ولا الحق العلم بالحاق

وكل القبايل نعم من دون تقصير =نعمن بهم من ايت اجناس واعراق

يابو حمد جتك الدلال المباهير = ذقها ان كانك يابيض الوجه ذواق

من كف من هو ماحسب للمخاسير = يذكر رفيقن للنواميس سباق[/poem]
اخووكم الشاعر /حمود خلف الميهوبي