من روائع الشيخ رشيد بن مرشد المطرفي (رحمه الله )

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يامل قلبا ضيق الصبر بالــــــــه = روابعا قامت تخمه وتخطيـــــــــــه
متحايرا في مقعده وش جرالـــــه=مايسمع الداعي لونه يناديـــــــــــــه
له وقت ماهو عارف راس مالــــه=طول عليه الصبر واخلف طواريــه
مثل الغريب الي مضيع عزالــــه=في عزلة والماء بعيده مناويـــــــــه
ضيع معاميله وضيع نعالــــــــــه=وله رب ماهو عارف انه يخليـــــه
يابيت نومي فيك كله جمالـــــــــه=عقب الحبيب اللي يقر النظر فيــــه
عقب الحبيب الي حسينا سؤالــــه=ألذ من ذوب العسل من مجانيـــــــه
لولا تقول الناس خلا عيالــــــــه=لا شوف لي مسكان برا واخليــــــه
يابيت ماهو كذب والا حيالــــــه=هذي سوات اللي فقد زول راعيــــه
وجدي عليها وجد راعي محالـــه=خربت وزرعه حامي القيض غاشيه
او وجد من خلو طريقه عيالــــه=عودا مسن ويابساتن تراقيــــــــــــه
اليا هرج قالو تزايد هبالـــــــــــــه=واليا سكت قالو عسى الله يهاديـــه
يصبر ولو شاف العايله في حلاله=والصبر مثل الصِبر ماني مقاويـــــه
وصلاة ربي عد ما ينشي خيالـــه=واعداد ماجانا المطر من مناشيــــه
على نبي الله عزيز الجلالــــــــــه= اللي نهار الحشر يعتز راجيــــه[/poem]