المستديره .. للشاعر / سليمان عبدالله السبوتي الوابصي البلوي

[poem="font="simplified arabic,5,darkred,bold,normal" bkcolor="transparent" bkimage="./images/backgrounds/8.gif" border="solid,4,darkred" type=2 line=0 align=center use=ex num="0,black""]

يسألني التايه عن المستديره =و المستديره دارت بعهد الاجداد
المستديره خير في كل ديره =يقدموها اجواد لـ وفود الاجواد
اجواد جادت و الليالي عسيره =يوم المراجل كلها غير فـ جهاد
ومن لا يجاهد فـ الحياه القصيره =يبقى كما بيت(ن) بلا حبال و اوتاد
و قولي من التاريخ فـ اجمل مسيره =يوم القبايل للنبي توفد افواد
و بحضرة الصّديق و ابو هريره =سؤال وفدي من بلي يرعد إرعاد
بيّن حقوق الضيف و اللي يجيره =للي يجير الضيف و يقدم الزاد
و الضيف ضيف الله حقوقه كثيره =عند الرجال اللي لها أفعال و أمجاد
و كل القبايل و الوجيه السفيره =اما على سرج(ن) و الا على شداد
و اصل الوفاء و الطيب دينٍ و غِيره=كنه فصيلة دم من ينطق الضاد
و الطيب نهر و منبعه فـ الجزيره =من خلقة الدنيا الى يوم الاصفاد
نهر(ن) غزير و له شواطئ خطيره =تغرق بها نفوس(ن) و تعطش بها اكباد
لو كان سم(ن) ما بقت لي عشيره =و الموت معهم خير من عز مقعاد
هذا كلامي في قضيه كبيره =للمستمع فيها تحاليل و ابعاد
و كل(ن) يقول و غايةٍ في ضميره=يعلم بها من نزل النون و الصاد
و صلوا على مخلوق اطهر سريره =مكرم سفانة طي أمام الاشهاد [/poem]