نسمة الصبح

[poem="font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هلا باللي ليا من جت قالت لي مساء النور= وقلت النور في وجهك ترى انتي للمسا نوره
مساء الفل والكادي مساء الورد والبخور= مساء ياحبيب الروح تفوح وتنعش عطوره
هلا بك عد ما رفرف خفوق من الفرح مسرور= وعدد ما غرد العصفور يوم يحب عصفوره
وعدد زهر الربيع الصبح لا فتّح وهوممطور= وعدد قطرات ماطرها وهي من امس ممطوره
وعدد ما زارني طيفك وناجيته بدون شعور= وعدد ما اشناق لك قلبي ورسم لك داخله صوره
تدري ليش اهلي بك ودربك كل ابوه ازهور= وليش القلب هلاّ بك وتعدى من الفرح طوره
انا بابوح لك بالسر وباكشف لك عن المستور= عسى يارب تفرح لي وتدوخ شوي مبهوره
تبيها كاش انا احبك وحبك داخلــــــــي منثور= يجري في شراييني وفي قلبي بنى قصؤره
الا يا نسمة الصبح العليل وشقشقة عصفور = الا يا وردة فوق الورود البيض مغروره
الا يا كلمة حلوه حلاوتها تزيح الجور = والا يا احلى من الشهد المصفى وسط بللوره
نصحت القلب عن حبك وعيا لا يطيع الشور= انا من حبكم يابنت صرت امشي على شوره
احس اني مع الايام اقرب لك وانا مجبور= سجنت الروح بيدينك وصارت فيك مجبوره
ابي استانس بقربك ومني ما يجيك قصوره=وابكتب فيك من شعري فداك الشعر وابحوره[/poem]

اخوكم/ابراهيم اللوباني

اتمنى ان تحوز هذه الكلمات المتواضعه على رضا من يقرأها