مفاتيح الصبر

بعد غيابي قرابة الشهر اقدم لكم جديدي واتمنى ان يحوز على رضاكم



[poem="font="simplified arabic,5,teal,bold,normal" bkcolor="transparent" bkimage="" border="none,5,gray" type=1 line=0 align=center use=ex num="0,black""]يالله يا المعبود يا علام ماتحت الحجر=ياللي ملكت الكون من باديه حتى منتهاه
يا مقسم الاعمال بين الخلق في يوم الحشر=هذا مطيعاًلك في الدنيا وذولا لك عصاه
ياخالق الجنه وماليها بشياً ماخطر=في قلب احدولا اذن سمعت ولاعيناً تراه
وياخالقٍ ناراً توقد با الحجاره والبشر=للي عصى واللي مطيعك جنتك تصبح جزاه
يا منقداًيونس من الحيتان فا اعماق البحر=يا سامعن صوته ويا فاتح له ابواب النجاه
طالبك تغفر لي ذنوباً ماتعد وتنحصر=اسرفتها في حق نفسي لين مليت الحياه
وانك توفقني وتلهمني مفاتيح الصبر=في وقتي اللي وسط معمعته فقدت الاتجاه
امشي ولا ادري وين تبحربي مجاديف الدهر=والحظ عاثروان ندهته قام واعطاني قفاه
بالعالم المتشبعه واللي تحت خط الفقر=المال لاصحابه سند والقل جراح اللهاه
تعبت لاني كل ماجا الليل ونزاح العصر=يضيق صدري واتئمل ضيق صدري وش وراه
واقول في نفسي وش التدبير بسوات القدر=اللي فتني وامتحني لين لفتني رحاه
مماعاد باقي في عيوني لا مطير ولا مفر=عن همي اللي ما ترك شياًبصدري ما دهاه
واللي ملك نفسي بيده اني تحت حدالخطر=ماعاد اميز بين تأكيد الخبر والأشتباه
ابشع مراحل با الحياه من المواقف والعبر=طيحت عزيز القوم لا من طاح بيدين العداه
ماهو بحي الله تحكم به قوانين الاسر=الفرق ذكراً يسمعونه جيل باالسنة الرواه
وابشع من اللي قلت ما اعانيه صار ادهى وامر=من وين ماسجيت بالأقدام ردتني حصاه
ماكني الا من غدت دنياه بعيونه شبر=والفرق حمل المتن صار اثقل من اجبال السراه
هذا وانا من قوم لا زعلت تعلم ما نكر=قوماً مهي ترحل ليا جها النذير من الغزاه
اكبر مطالبها الفخر ولا يحبون الغدر=يشوش راسي كل ما امدحهم ولا اشعر با انتباه
قوماًلها التاريخ سجل ما مضى فعل وذكر=فعل احفضوه اجيالهم من بعدهم حفظ الوصاه
منهم صحابه للرسول المصطفى وابو بكر=ومنهم حماة الدين من عبث الصناديد الطغاه
امجاد مهمى قلت ما تذكر بيوم ولاشهر= ومهما كتب حبر القلم تا ريخ ما يلحق مداه
من حقي افخر في بلي قوماً يشدون الضهر=ماضي عريق وزاده الحاضر عراقه واحتواه
تمت وصلى الله على اطهر من دعى سر وجهر=محمدشفيع اللي على السنه مثبتاًخطاه[/poem]