اهداء الى /سموالأميرفهد ابن سلطان

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]سلام يا اللي فيك بحر القصايد=يثقل وتبقى ميزته في وقاره
سلام يا امير الرخى والشدايد=من قلب مخلص وانت صرت اختياره
يا نسل من يضرب على كل كايد=سلطان سلطان الفخروالنعاره
فهدفهدأسمك على المجد نايد=كلام ما ادور عليه استشاره
يا سيدي استا ذنك وانت قايد=بجمع حروف الشعرواسدل ستاره
واسوقها مثل المزون الرعايد=وانثر على اسمك مطرها بغزاره
مابي عطيه والا ادور فوايد=والا انت تعطي وما تحسب الخساره
قصدي اجمل فيك عقدالفرايد=واجلى ضلام الشعر وعلن نهاره
لانك تمتع با الخصال الحمايد=اسمك سماتك حدتك والصقاره
جودك بنودك يا وسيع البنايد=عقلك وثقلك عفتك والطهاره
يا مسند اللي ما لقي له سنايد=يا جابر العثرات والا نكساره
كل عام يكتب لك فعول ومجايد=وكل شهر والتاريخ خلفك مساره
ويكتب بكل اسبوع باسمك جدايد=وكل يوم تسموفي صريح العباره
وفي كل ساعه وانت بالجودجايد=وفي كل دقيقه وانت اجمل اثاره
وكل ثانيه لك يكثرون الودايد=في كل بيت وكل مدينه وحاره
من كثر ماحبوك يا بوالعوايد=قالو ياليت العيد مثل الزياره
حتى نجيه وكل يوم انتعايد=ويفرح بنا بمعايده وسط داره
وانا ارددهابصوتاً محايد=اماكذا والا بلاش الاماره
ياسيدي باقول علماًوكايد=ماهودهى مني ولاهي شطاره
والله لو رحت الديار البعايد=وطول غيابك واشعل الشوق ناره
لاعلن على مانشيت كل الجرايد=اني على شوفك اسوق البشاره
وختامها اسمك على المجد نايد=المجديبقى اسم فيك اختصاره[/poem]