تويت
(من عز نفسه) ناصر عواد الصريبطي
ياونتي ونة اللي صوبوه الرجال
في شلف حدبٍ عطيباتٍ مضاريبهن
وقفوا وخلوه طايح بين حدب الجبال
لاون من طعنته يسمع عواء ذيبـهن
ونيتها من زمانٍ شفت فيه الهوال
أشوف وغضي وأذاني كن موحيبهن
وقتٍ يحد الذيابه عن شراب الزلال
عيا زمان القشر يصفي مشاريبـهن
ويعيش به ثعلبٍ مابين قيلٍ وقال
عيون راسه يقرب من مــشاهيبهن
ويصير ضد الرجال أهل الوفاء والكمال
من مايقاسوا لحاهم لايحن شــــيبهن
لاشك بضرب مثل يافاهمين المثال
من راس شاعر بيوته عارفٍ طيبهن
من عز نفسه وجدها في خشوم الدلال
ومن ذلها ماوجـــــدها في عراقيـبهن
أقدر أهل الوفاء واحسب حساب المقال
وإلا السوالف ماتخفاني هــناديبـــــهن
بعض السوالف تراها مالها رأس مال
لودقق اللي يسولف في عـــــواقيبهن
الشاعر/ناصر عواد الصريبطي
تعليق