تويت
قصيـدة اعجبتني كثيراُ
فيها من الحكم مايغنيك عن قرآءة عشر كتب
في الفلسفة
أترككم مع القصيدة
.
.
.
لاينتثر فكــــرك على كـذا اتجــــــــــاه
الخصخـصـه فـــن الـعـقـول الـرايــده
وإن ساد من حولـك شعـور الإشتبـاه
خـــل لـشـعـورك مـنـطـقـه مـحـايــده
الثقـه سقـف العقـل.. والناقـص ذكـاه
من حسسك بـإن فيـه حاجـه زايـده ؟
والأبـداع مـاهـو لـعـب شــد الإنتـبـاه
عـلـى حـسـاب إلـغـاء فـكـره سـايــده
والضيق ..ضيق الأفق وأكضام الشاه
وفـهـم الحـيـاه عـلـى إنـهــا مـزايــده
أفـضـل وسيـلـه للسـعـاده و الـنـجـاة
سهلـه علـى الراغـب ولاهــي كـايـده
تـوحـد الله صـــدق وتـقـيـم الـصــلاة
وجعـل الفواحـش عـن حـدودك نايـده
وتكـف يـدك و تحمـد الله علـى الغنـاه
وتخشـر إهنـودك مـعـك فــي المـايـده
ولاتـخـاوي لا شـيـوخ . . . ولارعــاه
خــاو أصـدقــاء تفـكـيـرك و فـرايــده
الشيـخ مـن تواضـعـه يسـبـق عـطـاه
يـتـعـودون الـنــاس مــــن عــوايــده
والـحـب ذروة كـــل شـــي ومنـتـهـاه
محـلا مـن وضـوحـه ســوى مكـايـده
يـبـكّـي الــرجــال و يـبـحّــث خــفــاه
ويعـلـمـه شـــرح الـحـظـوظ الـبـايـده
واللي يحب أحدن مهـب فـي مستـواه
يـبـطـي و عـيـنـه بالـمـدامـع جـايــده
يـا وجـد حـال الشاعـر وياامـه وابـاه
وجـود مـن هـاوش لاخــوه وصـايـده
لـلـي أتمـنـى أعـيـش وأتـوفـى مـعـاه
حـتــى فـعـيـده مـــا قـــدرت أعـايــده
الـحــزن طـاقــه لـلـدعـاه و لـلـطـغـاه
وأنــا طلـعـت مــن الـجـروح بـفـايـده
( إن لم تزد شيئـا علـى هـذي الحيـاه
فتأكـد إنــك أنــت . . حـاجـه زايــده )
للشاعر / سعد بن علوش
.
.
.
دمتم بحب
تعليق