الغايب اللي كل حين اتحـــراه

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الغايب اللــــي كل حين اتحــراه = في كل يوم اقول يمكن يجينـي
ادله عنه في حضرة الناس وانساه = انساه وانا خابـره مانسينـــي
هـو حـق لكن عيت النفـس تبغـاه = مبغاه لكنّـه هــو اللي يبينـي
انام مانـي آمناً غــدر شلفـاه = اللــي لها سنه بقطع الوتينـــــي
اللي محاريبه ورى الحي تقفاه = ما كنّـه الا تقل طلاب دينيــــي
مامن سلامه من معاناة بلـواه = ولامن عداوة ثار بينه وبينــــــي
ون طولت عنّي مقاصد نوايـاه = عليه دورات الزمان اتحدينـــي
يالله عسى بشراي في حين لقياه = المطلب اللي لـه رجاي وحنيني
العبد يقفي عن بيوت(ن) مبنـّاه = مخلوق من طينا ويرجع لطيني
والنفس بالدنيا تراهـا معنـّـاه = وإلا القدر مكتوب على الجبينـــي
ون كانها بالنفس قفت مطاياه = لا تنتظر لي رجعــةٍ يا ضنينــي
يا لله يارحمن يا لله يا اللــــه = فيك الأمل يوم الثرى يحتوينـــــي
العبد عبدك غـرته فيك دنيـــاه = وثقلت حموله من حصاد السنينــي
ان كان عذبته على ذنب سواه = واذا عفوت انت ارحم الراحمينــي
يالله عفـوك كل حيـن اتمنـــاه = اطلبك بلسانـي ويـدي وعينــــــي
وصلاة ربي عد مـن يذكرالله = علـى النبي الهاشمـي الامينـــــي[/poem]