كيف تتصرفون في مثل هالمواقف ,, باليت الكل يشارك

**يوسف صالح العرادي** · 09-29-2009, 04:52 PM

رد: كيف تتصرفون في مثل هالمواقف ,, باليت الكل يشارك

الموقف الأول
استقبلت ضيوفك ودخلوا المجلس , دخلت المطبخ تبي تجيب القهوة لقيت زوجتك في حالة يرثى لها من التعب ( قد لا تستطيع الوقوف من شدة الإعياء )طبعاً مافيه شغالة وأنت مو عند أهلك يعني لاأم ولا أخوات
ولاسوت قهوة ولا عشاء
ايش التصرف السليم في مثل هذا الموقف ؟

من المؤكد أهم شئ عندي صحتها

بنسبه لضيوف بقدم لهم واجبهم

القهوه و الشاى
انا اسويها

و العشاء اكيد بدبر عمري من اقرب مطعم

الموقف الثاني
كنت في زيارة لعائلتك (بيت أهلك ) ودخلت على زوجتك ووجدتها تبكي بحرقة وهي بين أخواتك (يعني صايرة هوشة )
ماهو التصرف السليم والصحيح بهذا الموقف ؟

بهدى الوضع بسرعه

و باخذ زوجتي و على البيت
احاول اهديها و اعرف و ش السالفه بالتفصيل

بعدها بروح لبيت اهلى و كمان اسأل عن السالفه و بالتفصيل
و بعدها بحكم على الوضع و نهدى النفوس

الموقف الثالث
أتتك أختك وقالت لك : ترى زوجتك قالت لأمي : انقلعي من بيتي ولاعاد أشوفك هنا
ما التصرف السليم والصحيح في مثل هذا الموقف ؟

اول شي بروح للوالده و أتأكد منها

و بعدها راح اتصرف

**نورة بلي** · 09-29-2009, 05:13 PM

رد: كيف تتصرفون في مثل هالمواقف ,, باليت الكل يشارك

والله مواقف صعبه الله يعينهم عليها

متابعه للحلول مع لاخوان

تسلمي خياله

**مرزوق خلف الربدي (رحمه الله)** · 09-29-2009, 05:20 PM

رد: كيف تتصرفون في مثل هالمواقف ,, باليت الكل يشارك

بسم الله الرحمن الرحيم

خيالة بلي

ايش التصرف السليم في مثل هذا الموقف

أسوي القهوة والشاي والمندي قريب من البيت ويش المشكلة في ذلك

ماهو التصرف السليم والصحيح بهذا الموقف

آخذها معي البيت وأرآضيها وما أخليها تنام تلك الليلة إلا وهي مبسوطةوأعتذرلها نيابةً عن أهلي واليوم الثاني او الثالث أسألها عن السالفة ويش اللي صارأكيد بتقول لي الحقيقة

ما أرضى أحد يخطئ بحق زوجتي وهي بالصفات

اللتي ذكرتيهاأبداً

[quote]ما التصرف السليم والصحيح في مثل هذا الموقف [/

quote]

زوجة ليس مثلها أحد دينة , خلوقة ، حنونه طيبة

كيف تكون بهذه الصفات وتخطئ بحق أمي وهي تعرف حقوق الوالدين مستحيل ياخيالة بلي

كثير من الامور تعالج بالصبر والحكمة

طابت أوقاتك خيالة بلي

**الجريح** · 09-29-2009, 06:58 PM

رد: كيف تتصرفون في مثل هالمواقف ,, باليت الكل يشارك

[quote=خيالة بلي;537228]

الموقف الأول

استقبلت ضيوفك ودخلوا المجلس , دخلت المطبخ تبي تجيب القهوة لقيت زوجتك في حالة يرثى لها من التعب ( قد لا تستطيع الوقوف من شدة الإعياء )طبعاً مافيه شغالة وأنت مو عند أهلك يعني لاأم ولا أخوات
ولاسوت قهوة ولا عشاء
ايش التصرف السليم في مثل هذا الموقف ؟

****
تصــرفـي اروح أسـوي القهوه للضيوف وأعتذر لهم بأن زوجتي مريضه .عادي لكن والله ماني مقومها وهي مره مريضه وماتقدر عشان قهوه وشاي والعشاااء المطاعم كثيره بس.
الموقف الثاني
كنت في زيارة لعائلتك (بيت أهلك ) ودخلت على زوجتك ووجدتها تبكي بحرقة وهي بين أخواتك (يعني صايرة هوشة )
ماهو التصرف السليم والصحيح بهذا الموقف ؟

****
الله لا يجيبه لا الحمدلله سمن على عسل حنا . بس لو صار راح أهدئ الموضوع وأبين لهم جميعآ ان الشيطان حريص يفرق وأحاول أصلح وأقدم اعتذاري للزوجه ومستحيل أكبر المسئله بالعكس أحلها بكل تأني.
الموقف الثالث
أتتك أختك وقالت لك : ترى زوجتك قالت لأمي : انقلعي من بيتي ولاعاد أشوفك هنا
ما التصرف السليم والصحيح في مثل هذا الموقف ؟
****
على طوووول أروح للزوجه وأسئلها واذا أنكرت أسئل امي وأحلفها بالله وذا زوجتي سوت هيلك والله لخليها تكره اليوم الي نطقت فيها الحرووووف راح أعاقبها جسديآ ونفسيآ الا امي لا امي الاامي.
وخاصه النفسي يعني ترى انا ممكن اجلس شهر واعتبرها مو بالبيت اجلس على النت والتلفزيون ولا اسولف معها أبدآ يعني أهجرها حتى تحس وماتكررها مجرم

بس امي والله اغلى من روحي علي
أنتظر اجابتك اختي خيالة بلي

**حامد بن راشد الوابصي** · 09-29-2009, 07:43 PM

رد: كيف تتصرفون في مثل هالمواقف ,, باليت الكل يشارك

الله يبلش عدوك قولي امين
،،،،
مرور سريع ولي عوده

شكرا خيالة بلي

**سعود عقيل بن مظهر السحيمي** · 09-30-2009, 12:18 AM

رد: كيف تتصرفون في مثل هالمواقف ,, باليت الكل يشارك

المشاركة الأصلية بواسطة خيالة بلي

بسم الله الرحمن الرحيم
السلام عليكم ورحمة الله وبركاته

أخواني الأعزاء
موضوع حبيت اطرحه ونشوف ايش بتكون ردة فعل كل واحد منكم
أنا راح افرض لك شخصية زوجتك وراح اضع أمامك ثلاثة مواقف ,, والمطلوب من كل واحد منكم أن يخبرنا كيف راح يتصرف في كل موقف

****
زوجتك أم عيالك رفيقة دربك وشريكة حياتك ، زوجة ليس مثلها أحد دينة , خلوقة ، حنونه طيبة ربة بيت على أكمل وجه , ولا ترفض لك طلب صاحبة فكر رائع , ضيوفك على العين والرأس في أي وقت تعزمهم وأنت مطمئن , أهلك حاسبتهم أهلها
راح أضعك أخي القارئ في عدة مواقف وأبي منك التصرف الصحيح والسليم
وصدقني هالموضوع يعتبر من خبرات الحياة وخاصة للشباب المبتدئين حياة جديدة

****
الموقف الأول
استقبلت ضيوفك ودخلوا المجلس , دخلت المطبخ تبي تجيب القهوة لقيت زوجتك في حالة يرثى لها من التعب ( قد لا تستطيع الوقوف من شدة الإعياء )طبعاً مافيه شغالة وأنت مو عند أهلك يعني لاأم ولا أخوات
ولاسوت قهوة ولا عشاء
ايش التصرف السليم في مثل هذا الموقف ؟
اقول لها قومي سوي قهوه وشاي والتعب مايرد بنات الأجواد عن سوات
القهوه والشاي وصعبه احوس وادوس بالمطبخ والضيوف بالمجلس
كل واحد يطالع بساعته ينتظرني 0 اما العشاء اعفيها منه لأن واجب الضيوف مفطح
اجيبه من مطعم المندي0

****

الموقف الثاني
كنت في زيارة لعائلتك (بيت أهلك ) ودخلت على زوجتك ووجدتها تبكي بحرقة وهي بين أخواتك (يعني صايرة هوشة )
ماهو التصرف السليم والصحيح بهذا الموقف ؟
اخذها للبيت وافهم السالفه وبعد ماتهدا الأمور يعني بعد يومين مثلآ
اسعى للصلح بينهم

****

الموقف الثالث
أتتك أختك وقالت لك : ترى زوجتك قالت لأمي : انقلعي من بيتي ولاعاد أشوفك هنا
ما التصرف السليم والصحيح في مثل هذا الموقف ؟
اتأكد من امي ومن زوجتي واذا ثبت الكلام اخليها تبوس راس امي ويدها
وعلى بيت ابوها حتى تعترف بخطاها وتحسب امي بمثابت امها 0
ولكن الحمدلله ان مجتمعنا مافيهن من هذه النوعيه وبنات السعوديه يعرفن
الأصول ويخافن الله قبل كل شي
****

أخواني شخصية الزوجة ثابتة ولكن اختلفت المواقف
أريد منكم الإجابة الصريحة لكل منكم وتعليق بعضكم على ردود بعض حتى تعم الفائدة
دامت دياركم عامرة بالسعادة والألفة و الأفراح يارب
تقبلوا تحيتي
أختكم / خيالة بلي

تحيه لك اختنا الفاضله

**نايف الحمري** · 09-30-2009, 01:06 AM

رد: كيف تتصرفون في مثل هالمواقف ,, باليت الكل يشارك

صراحة انا غير متزوج الى الان

يعني مااقدر اشارك

فقط مرور

ومتابع معاكم وياعيني على التفاهم من خلال رد بعض الاخوان:d

**حامل المسك** · 09-30-2009, 01:09 AM

رد: كيف تتصرفون في مثل هالمواقف ,, باليت الكل يشارك

المشاركة الأصلية بواسطة خيالة بلي

بسم الله الرحمن الرحيم

السلام عليكم ورحمة الله وبركاته
أخواني الأعزاء
موضوع حبيت اطرحه ونشوف ايش بتكون ردة فعل كل واحد منكم
أنا راح افرض لك شخصية زوجتك وراح اضع أمامك ثلاثة مواقف ,, والمطلوب من كل واحد منكم أن يخبرنا كيف راح يتصرف في كل موقف

****
زوجتك أم عيالك رفيقة دربك وشريكة حياتك ، زوجة ليس مثلها أحد دينة , خلوقة ، حنونه طيبة ربة بيت على أكمل وجه , ولا ترفض لك طلب صاحبة فكر رائع , ضيوفك على العين والرأس في أي وقت تعزمهم وأنت مطمئن , أهلك حاسبتهم أهلها
راح أضعك أخي القارئ في عدة مواقف وأبي منك التصرف الصحيح والسليم
وصدقني هالموضوع يعتبر من خبرات الحياة وخاصة للشباب المبتدئين حياة جديدة

****
الموقف الأول
استقبلت ضيوفك ودخلوا المجلس , دخلت المطبخ تبي تجيب القهوة لقيت زوجتك في حالة يرثى لها من التعب ( قد لا تستطيع الوقوف من شدة الإعياء )طبعاً مافيه شغالة وأنت مو عند أهلك يعني لاأم ولا أخوات
ولاسوت قهوة ولا عشاء
ايش التصرف السليم في مثل هذا الموقف ؟

اللي راح اسويه هو اني بسوي القهوه والشاي نيابه عنها طبعا لأنها معذوره ,, والعشا طبيعي من المندي مافي مشكله .

****

الموقف الثاني
كنت في زيارة لعائلتك (بيت أهلك ) ودخلت على زوجتك ووجدتها تبكي بحرقة وهي بين أخواتك (يعني صايرة هوشة )
ماهو التصرف السليم والصحيح بهذا الموقف ؟

بالنسبه لي اول شي اسويه باخذ زوجتي واروح للبيت على طول ,, وبعد ما تهدأ بسمع منها وش اللي صاير ,, وبعد يومين بستفسر من الاخوات ,, واحاول اقرب وجهات النظر .

****

الموقف الثالث
أتتك أختك وقالت لك : ترى زوجتك قالت لأمي : انقلعي من بيتي ولاعاد أشوفك هنا
ما التصرف السليم والصحيح في مثل هذا الموقف ؟
بسأل الوالده الله يحفظها عن صدق هالكلام من عدمه ,, وان طلع صدق ,, بسمع عذر زوجتي عن نطقها لهالكلمه ,, هل بالغلط او لحظه غضب [ على حسب نفسية الزوجة]

قد تكون غلطت وندمت على نطقها لحظه غضب

وبالحاله بطلب منها تراضي الوالده , والاهم الوالده ترضى عليها

الحين ليه التشاؤم

كله مهاوشه وتعب بين الاهل والزوجه

نبي تفاؤل

,, حماس

خلاص هونت مابتزوج

اذا هذا اللي بينتظرنا ليه نتعب حالنا وتفكيرنا

**الجريح** · 09-30-2009, 06:41 AM

رد: كيف تتصرفون في مثل هالمواقف ,, باليت الكل يشارك

المشاركة الأصلية بواسطة حامل المسك

الموقف الثالث
أتتك أختك وقالت لك : ترى زوجتك قالت لأمي : انقلعي من بيتي ولاعاد أشوفك هنا
ما التصرف السليم والصحيح في مثل هذا الموقف ؟
بسأل الوالده الله يحفظها عن صدق هالكلام من عدمه ,, وان طلع صدق ,, بسمع عذر زوجتي عن نطقها لهالكلمه ,, هل بالغلط او لحظه غضب [ على حسب نفسية الزوجة]

قد تكون غلطت وندمت على نطقها لحظه غضب

وبالحاله بطلب منها تراضي الوالده , والاهم الوالده ترضى عليها

[/center]

الموقف يقول ان الزوجه تقول لمك انقلعي من بيتي ولا عاد أشوفك .
ونت تقول حسب نفسية زوجتك؟؟
الله يخلف بس على امهاتنا .
اي نفسية ترى فيه بعض الأخطاء لا تُغفر بأن نفسية الزوجه مش ولا بد
والله لو مصايب الدنيا على راسها ماتقول هالكلام.
أه واحر قلبي حراااه بس المفروض طراق تخلي راسها يلصق بالجدر
قال ايش قال على حسب نفسية الزوجه

**حامد بن راشد الوابصي** · 09-30-2009, 08:53 AM

رد: كيف تتصرفون في مثل هالمواقف ,, باليت الكل يشارك

المشاركة الأصلية بواسطة الجريح

الموقف يقول ان الزوجه تقول لمك انقلعي من بيتي ولا عاد أشوفك .
ونت تقول حسب نفسية زوجتك؟؟
الله يخلف بس على امهاتنا .
اي نفسية ترى فيه بعض الأخطاء لا تُغفر بأن نفسية الزوجه مش ولا بد
والله لو مصايب الدنيا على راسها ماتقول هالكلام.
أه واحر قلبي حراااه بس المفروض طراق تخلي راسها يلصق بالجدر
قال ايش قال على حسب نفسية الزوجه

انت ياقرنديزر
،،،
كل واحد يرد على حسب تفكيره ورايه
ما احد ملزوم براي احد
،،،،
خلك مستعد
،،،،
انا بالنسبه لي لو تقول زوجتي لامي انقلعي
والله العظيم لو امي مو مخطيه
لم مئة مخطيه ،، انها غير تروح بيت اهلها
وان شيمتها تحت حذائي
اللي ما يشيم والدي ماله عندي شيمه مهما كانت الاسباب
،،،،
الزوجه الفاهمه
حتى لو عمتها شطحت عليها تعديها تقديرا لزوجها
واحتراما له
،،،
انا اذا شفت ان امي غلطت وزوجتي تحملت غلطها عشاني
هنا تستحق الزوجه التقدير
والاحترام وتحطها بعينك + كم بنجره
،،،،
اما تقل ادبها على امي
فهنا سيتم انهاء عقدها وسيتم تسفيرها خروج نهائي
،،،،

**حامل المسك** · 09-30-2009, 09:47 AM

رد: كيف تتصرفون في مثل هالمواقف ,, باليت الكل يشارك

المشاركة الأصلية بواسطة الجريح

الموقف يقول ان الزوجه تقول لمك انقلعي من بيتي ولا عاد أشوفك .

ونت تقول حسب نفسية زوجتك؟؟
الله يخلف بس على امهاتنا .
اي نفسية ترى فيه بعض الأخطاء لا تُغفر بأن نفسية الزوجه مش ولا بد
والله لو مصايب الدنيا على راسها ماتقول هالكلام.
أه واحر قلبي حراااه بس المفروض طراق تخلي راسها يلصق بالجدر
قال ايش قال على حسب نفسية الزوجه

اولا تسعدني مداخلتك

ثانيا اعتقد انك لم تقرا ردي كاملا على الموقف الثالث,, لأني قلت الاهم ان الوالدها ترضى عليها ,, وان لم ترضى ,, راح اجيب مددس واذبحها

,, والا اجيب سكينة خضره واطعنها

>> والا بصك راسها بالجدار

>> هكذا يريد بعض الاعضاء ,, حتى يبين مدى حبه للوالده

جميعنا نحب والدينا ,, ولكن كما ذكرت آنفا الاهم رضى الوالده ,, واعتراف الزوجة بغلطها والتعهد بعدم تكرارها مرة اخرى ,, تعهد بخط يدها >> المشكله الاغلب ما تعرف تكتب

وان تكرر الخطأ مرة اخرى ,, فعندها كما دخلنا بالمعروف نخرج بالمعروف ,, ويادار ما دخلك شر

,,

عزيزي لو كل ماحدثت مشكلة طلق الرجل زوجته ,, كل الزوجات مطلقات

وكل الازواج عزاب

[ مطقين]

طبعا اتحدث بعيدا عن الغلطات الاخلاقيه !

ثالثا اعتقد ان رأيي عقلاني ,, والكل بالنهايه اتفق انه يرجع زوجته ,, لو زعل عليها كم يوم ووداها بيت اهلها على قولتهم

,, بالنهايه بترجع

انا اخذتها من قاصرها

[[ مو متزوج بس حبيت اشارك ]]

وبالختام تقبلوا تحياتي ,, على امل اللقاء بكم مرة اخرى في حلقات مميزة

كنتم مع / حــآمل المســـك

:: دمتـــــــم ::

**عبدالله الخولي** · 09-30-2009, 10:16 AM

رد: كيف تتصرفون في مثل هالمواقف ,, باليت الكل يشارك

لاحوووووووووووووووول
مشاكل في مشاكل
الاول والثاني
نبي نهايط ونشوف اخرتها
لكن كلها تهون الا انقلعي
هذي نص سالفه
خساره اتعب نفسي واوديها لأهلها اخليها تلبس نعل برجلها ونعل براسها وتووووووووووولي لأهلها
ولاتدرين مانبي هالمشاكل كلها بلازواج بلا هم
ياحبيبي يا د. كيف
عزالله انك اجودي تقهوي اللي يجيك وتعشيه وبلا مشاكل بلا وجع راس

**علي محمد العقيص** · 09-30-2009, 11:07 AM

رد: كيف تتصرفون في مثل هالمواقف ,, باليت الكل يشارك

اختي خيالة القلم
برد الاخ سعود عقيل اكتفي فقد قال لبو محمد اللي كنت ناوي اقوله دام الجميع بخير وعافيه

**خيالة بلي** · 09-30-2009, 12:19 PM

رد: كيف تتصرفون في مثل هالمواقف ,, باليت الكل يشارك

المشاركة الأصلية بواسطة حامد راشد الوابصي

انت ياقرنديزر
،،،
كل واحد يرد على حسب تفكيره ورايه
ما احد ملزوم براي احد
،،،،
خلك مستعد
،،،،
انا بالنسبه لي لو تقول زوجتي لامي انقلعي
والله العظيم لو امي مو مخطيه
لم مئة مخطيه ،، انها غير تروح بيت اهلها
وان شيمتها تحت حذائي
اللي ما يشيم والدي ماله عندي شيمه مهما كانت الاسباب
،،،،
الزوجه الفاهمه
حتى لو عمتها شطحت عليها تعديها تقديرا لزوجها
واحتراما له
،،،
انا اذا شفت ان امي غلطت وزوجتي تحملت غلطها عشاني
هنا تستحق الزوجه التقدير
والاحترام وتحطها بعينك + كم بنجره
،،،،
اما تقل ادبها على امي
فهنا سيتم انهاء عقدها وسيتم تسفيرها خروج نهائي
،،،،

لالالا ما عليش أخ حامد أنا اللي حطيت الموضوع وأنا اللي آخذ البناجر

أنا يوم شفت البناجر والذهب خابر مرتفع هالأيام

وانا فتحت عويناتي

مشكور على المدا خلة الرائعه