قصيدة عن غلاء السارات

بسم الله الرحمن الرحيم
السلام عليكم ورحمة الله وبركاتة
هذة القصيدة كتبتها عن غلاء السيارات الجديدة والمستعملة.........

[poem="font="simplified arabic,4,black,bold,normal" bkcolor="transparent" bkimage="./images/backgrounds/8.gif" border="solid,4,gray" type=2 line=0 align=center use=ex num="0,black""]
لي موتراً خربان يطفي وأنا اسوق=والمشكلة بالليل نورة يحمر
مهرقلاً بودية والزيت محروق=من التعب ماشوف وجهي مسمر
دايم على السطحة يقلص بمعلوق=عند الورش ياليت ركضي يثمر
وسط الغمارة يطلع البيض مسلوق=تجي حرارة نار سمراً مجمر
مايشتغل وأبلشت العامل صفوق=دفة معي يابية عمك مزمر
واليا اشتغل تسير طاسة على السوق=سحباً بها دخان أزرق يعمر
لنة قبع تنحاش بالدبة خزوق=حسة تقل صاروخ مرسل يدمر
مع الشوارع لا ادخن ولا اذوق=خايف يجي ملقوف مسرع يزمر
ثم ارتبش والسيد سكر ومزنوق=يطفي عليا والأشارة تحمر
لولا الغلا من العام تلقاة مشنوق=بالمحرقة والطعس فوقة مغمر
سعر الوكالة زاد والطاق مطبوق=لاجيتها تحط رجلك مشمر
حتى المعارض سعرها مرتفع فوق=أن طولت ياليل غصب نتذمر
تبغى لها دفعة سريعة وصندوق=وان ماحصل خاطير حلمك تدمر
[/poem]