قصيدة الامير محمد الاحمد السديري رحمه الله (الليل)

بسم الله الرحمن الرحيم

هذه القصيده للأمير الشاعر/محمد الآحمد السديري

رحمه الله

وهي من وجهة نظري من أروع ماسمعت من قصائد

وحبيت أن انزلها لكم هنا في المنتدى

وهو قدوتي في الشعر

[frame="9 50"][poem="font="simplified arabic,5,green,bold,normal" bkcolor="transparent" bkimage="./images/backgrounds/16.gif" border="groove,10,green" type=2 line=0 align=center use=ex num="0,black""]إن صار زود المال بيدين الانذال=حنّا من المعروف تندا يدينا
وان كانهم شرهوا على طيب الافعال=حنّا وردنا جمامها وارتوينا
وان فكّروا للجود يمشون رحّال=حنّا قبل يمشون يّمه خطينا
يامالبسنا للشرف كل سربال=وعلى البسيطة للفضيلة مشينا
في دوحة العربا لنا مجد وظلال=وحنّا على در المكارم غذينا
لو نجمع اللي فات منا من المال=إن كان شيدنا القصور وبنينا
نعطي ولا نتبع عطانا بالاقوال=ونبذل ونسكت كننا ما عطينا
وان باعوا الشيمة بدينار وريال=حنا دخلنا سوقها واشترينا
نطلع لها لو هي على روس الاقذال=لو هو عسير ٍ دربها ما انثنينا
بافعالنا نرسم دروب ٍ للاجيال=إلي نساها غيرنا ما نسينا
أسود سادات ٍ تسجل للاشبال=فضايل ٍ شمنا لها واهتدينا
بيض ٍ نسجلهن جديدات وسمال=حفايظ ٍ لاحفادنا اللاحقينا
نصبر على الشّدات لو شيلنا مال=لو سال دم دفوفنا ما شكينا
نخاف يلقى سدنا كل ختّال=ويبني هزيلات المعاني علينا
الليل يا خالد على والدك طال=وهنّيت عيونٍ بالكرا نايمينا
يا عز راسي شفت ما خبث البال=شي ٍ يهوّل شيّب الجاهلينا
شي ٍ من اسبابه يشيب بالاطفال=فطّر خشوم مهجرعات الحنينا
أدير قالات ٍ عريضات وطوال=قالات خلنّ المخفىّ يبينا
منهن رزين العقل بالوقت يهتال=بوقت ٍ عبوس ٍ فطّن الغافلينا
وقت ٍ من اسبابه شكى كل ريبال=نصبر ونسكت كننا غايبينا
الناس بالأيام راحل ونّزال=تفجعهم الدنيا وهم دالهينا
وحياة رب ٍ نزل آيات الانفال=عالم خفايا نية الحاقدينا
ما اترك طريق العدل في كل الاحوال=لو يرحل المريخ للفرقدينا [/poem][/frame]