تويت
[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الصدق لو يجرحك يبغى يداويك=من الجروح اللي ماتلقى مداوي
وأنا صدوق أصدق من اللي يمنيّك=وأن رحت تحتاجه يصف الحكاوي
وأنا أعرف إن الصدق يبغى يعنيّك=ومن بعدها تختار باللي تخاوي
أما تخاوي حر لاطحت يفديك=والا تخاوي بارد الحيل ثاوي
بالفرفشه والضحك كلاً يسليّك=وكلاً يقول إنه بعيد الهقاوي
وإن ضايقك وقتك وضعفت به إيديك=خلوك في دربك وحيد وخلاوي
وماني خويّك يوم كلاّ يخاويك=أنا خويك يوم ما لك مخاوي
في يوم ماتلقى صديقاً يواسيك=أجيك كلي واعتزي بالعزاوي
من دون لاتزهم ولا تصعك آجيك=وقت الطلب ما ني صديقاً نحاوي
وأنا بوقت الضحك مالي غرض فيك=ياكثر صحبانك وأضنك غناوي
[/poem]
أخوكم/ عبدالله مناحي منقره البلوي
تعليق