ياعشاق [الجيوب] سأطربكم ( رووووعه)

اللي عنده جيب 2008 - 2009

يبيعه أحسن له




هذي صوره لجيب gxr 2010









[POEM="font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]ياناس يااللـي تعشقـون المشاويـر=نصيحتي جيب(ن) جديد(ن) خدومـي

من دولة اليابـان جـاء بالتقاريـر=وتقرير من عندي يضد الخصومـي

وارد مـن اليابـان عـداد تصفيـر=اصفـار تـوه مابـدا بالرقـومـي

موديل عشره بعد الالفيـن تصديـر=قرن الغزال اللـي عليـه العلومـي

فل(ن) مكمل كامـل الفـل تطويـر=اللون بحري من يشوفـه يقومـي

يعطيه مـن قلبـه تحيـه وتقديـر=من زود حبه لو يصيـر امحرومـي

في اكس ار اثنين منـوة جماهيـر=والله والله مايـجـي بالحلـومـي

اجنوط المينيوم سـوات القصاديـر=وطارة هـوا هيدروليكيـه تحومـي

وهزاز دفرنس(ن)يقص المساميـر=من قوته وقت المواقـف جزومـي

والكاميرا بالخلف زينـه وتصويـر=وكاشف ضباب ايزيل كل الغيومـي

مصباح امامي نوع زينـون تدميـر=كم شخص من نوره يصير امهزومي

وفرامل (اي بي سي )وقت المحادير=تفتح وتقفل عنـد وقـت اللزومـي

ياسعد عين اللي نـوى تلـة القيـر=من فزته تقول قـرم(ن) عزومـي

ماياخذه غيـر الرجـال الهواميـر=اللي تبيـع وتشتـري فالسهومـي

يازين سجه والصحـاري مخاضيـر=والجو روعه والسحايـب ردومـي

والقوس بادي سبعة الـوان تبشيـر=ابشارة(ن) تزيـل كـل الهمومـي

وطاح الربيع وجاك وقت المظاهيـر=والجيب مثل الذيب وسط الحزومـي

وياماحلا المجلاس حول المباهيـر=والكيف بن وهيل شـرب القرومـي

والنـار شبـت لرجـال المناعيـر=تقدح شرار(ن) مثل رمي النجومـي

والقلب صافي مايجي فيـه تكديـر=ومن الفرح خطير شـق الهدومـي

اقولـهـا والله ولــي التدابـيـر=والرزق من عنده مـوزع قسومـي

ارزاق من عنده تجـي دون توفيـر=مثل الجبـال العاليـات الرجومـي

ياجامع اموالك على غيـر تبصيـر=لاتحسب انك فـي حياتـك تدومـي

اسمع كلام اللـي يقـول التعابيـر=وادع الولـي لعـل حظـه يقومـي[/POEM]