سـعود العقيل تحت ضوء الاستجواب!!

طيب /نبداء بالاسئله

مـوقف مضحك صار لكــ في رمضان؟؟؟




هل عمركــ تضاربت مع عيال الحاره؟؟ ياليت تذكر اخر مره تضاربتم؟؟:d


هذي سؤالين ع الطاير مجرد استفتاحيه

مـوقف مضحك صار لكــ في رمضان؟؟؟

والله يالجريح العام الماضي اشتريت خروف الصباح في اول يوم برمضان
وحصلت المصلخ زحمه واخذته للبيت وذبحته لحالي ومامعي احد يساعدني
الا محمد عمره 11سنه واحمد عمره 10 سنوات واول مابطحت الخروف على الأرض
قلت امسكوا ارجوله ومسكوه واول ماذكيت الخروف رفس برجوله ادور محمد واحمد
الا هم طايرين مع الحوش فاركين وتركوني اتصارع مع الخروف بس الحمدلله قضيت عليه. .
وبعد ماصلخته ناديت على احمد بعصبيه قاهرني وقلت له روح جيب لي مويا بكوب
وراح جاب المويا وطوالي شربته كنت عطشان ونسيت ان اليوم اول ايام رمضان . .
وراح احمد يصرخ على امه ويقول ياماما ابوي مهو صايم والله شرب مويا . .
وجاب عيال عمه يضحكون على غلطتي . .



هل عمركــ تضاربت مع عيال الحاره؟؟ ياليت تذكر اخر مره تضاربتم؟؟
كثير
اول مره في دوري لكرة القدم بالحاره شباب ضربوا ولد خالتي وطبيت معه
وكلاً اخذ حقه من الثاني وطلعنا منها سلمات بفضل الله ثم بفضل السحمه
بس هم راحوا ينزفون . .

يعني مالقيت غير هالسؤال تبي تحرجني الله يسامحك امير هين يجي دورك
مره
نزلت طبق بيض من السياره وطلعت درج الباب الخارجي لمدخل البيت
وكان فيه رجال يبحلق في بطريقه غريبه وانا جالس اناظر فيه زلت رجلي وطحت من الدرج
ونص البيض اتفقش على راسي وصدري . . شوي اناظر للرجال الا هو فاطس ضحك
اخذت شماغي والعقال بيدي ودخلت والبض راح فيها . .

موقف محرج جداً حدث لك في مكان عاااام

اجمل موقف بس اخرتها انقلب على راسي 0
ركبت سيارتي يوم من الأيام كان عندي موعد مع واحد من الزملا ء وانا في طريقي شفت شايب
مبنشره سيارته وحز بنفسي وقلت لازم اساعده مايصير شايب يسوي بنشره وانا اتركه
وقفت عنده وقلت سلامات ياعم وقال ابد بنشرت ياولدي 0 واخذت منه مفتاح الكفر ورفض واصريت
وطلع الأسبير مبنشر كمان0 قلت خلك اروح اسوي الأسبير واجيك وقال الله يوفقك ورحت للبنشري
وسويت الكفر وركبته بسيارت الشايب وتوسخ الثوب عقب الكشخه زي مايقولون 0 المهم استاذنت
منه ومسك يدي قال ياولدي قليل اللي مثلك 0 ومادامك تعنيت ووقفت وساعدتني فهذا يدل على طيب اصلك ومعدنك ولكن !!! 0 انت من اية قبيله وعلمته 0 قال مافيه شي اكافئك فيه الا بنتي
وانا اشتري نسبك وبنتي متخرجه من الثانويه وانا معطيك بنتي واشرايك 0؟؟؟ الله من الورطه
انا كنت توني املك وحرام بالله اني تمنيت ماجي بهالموقف 0 والله ان نسبه يشرفني بس المشكله الخطيبه وانا ماحب تعدد الزوجات 0 المهم جتني سرعة بديهه وقلت انت وين ساكن ياعم 0 وصف لي البيت واخذت اسمه وقلت انشاالله امرك انا وابوي وامي 0 وقال استناك وعليها الى يومك وربك ستر
وهذا موقف بسراحه احرجني 0 بس اجمل مافي هذا الموقف من كلام الشايب احسست انني قمت بعمل جميل 00

هلا وغلا بالسرحاني


قاعدة الأمدادات والتموين
س / وجدت مضروف عند الباب وفتحته ولقيت تذكرتين سفــر دولية ؟
تذكره لي وتذكره لرفيقة دربي

لاي دولة راح تسافــر ؟ ومن الشخص الاخر الذي سوف يرافقك ؟
ماليزياء
احب مرافقة صديقتي التي هي زوجتي الغاليه



الف شكر ياسمي

كيفكم جميعاً ,, حياك الله
- بخير دامك بخير هلا وغلا بسمي
وبما انك سميي تحمل اسئلتي ياكثرها
- خذ راحتك
(1) ماهي طموحاتك المستقبــليــه ؟؟!!
- اعيش حياتي يوماً بعد يوم ببساطه وراضي كل الرضى
(2) ما هو أكثر شيء يثير خوفك ؟
- المجهول القادم وفقدان الأحباب في المستقبل
(3)هل وجدت حادثه اثرت فيك بشكل كبير ؟
- لا والحمدلله
(4) من هو كاتم أسرارك ؟
- نفسي هي صنوق الأمان واذا خان الأنسان نفسه وافشى سره
ولا نأمن ان تفشى اسرارنا من الغير ومن اتمن عليه . .
(5)ما هو أكثر يوم تحبه في الأسبوع؟
- الأربعاء لجل انه اخر ايام الدوام والجمعه للعباده
(6) ما هو الشي الذي لا تستطيع الاستغناء عنه؟

- ايماني بالله واخلاقي
(7)اكلتك المفضله ؟
- صينية الفرن ولا مانع مره بالأسبوع من المضبي
(8)ما هي أجمل مرحلة في حياتك ؟
- المراهقـــــه
(9)ما هو البلد الذي تحب أن تعيشين فيه؟
- تبوووووووووووووووووووووووك
(10) ما هو رقمك المفضل بين 1 و10 ؟
- 9 رقم الفنله بالفريق سابقاً
ادري اني كثرت بس تحمل ياسمي ولك خالص ودي
- تبي الصراحه ماقصرت بس فداك واتشرف

ضيف رائع و مميز
هلا وغلا اخوي يوسف تسلم يالغالي من طيبك
- نكته سمعتها و أعحبتك ؟
فيه محشش فتح الثلاجة شاف الجلي يهتز قال لا تخاف لا تخاف ابي اشرب ماء


- مقلب صار فيك و لا تنساهـ ؟
لا اذكر اية مقلب صار لي

مشكور يوسف

الاخ ابومحمد السلام عليكم

س هل تحب قرلءة الكتب؟آخركتاب قراءته؟
نعم كتاب ابن سبيل للشعر
س هل تحب الشعر؟شاعرك المفضل؟
اموت فيه لايوجد شاعر معين اهتم بشعره اقراء للجميع

الجراح الف شكر يالغالي

يالله ان تحيية

- هلا وغلا فيك ابو اسامه
س/ اختار شنو جلسه تفضلها


1- جلسه ضحك و بلوت وكل شي فري
2 - جلسة شبت نار وسوالف قديمه من ايام شيباننا

- طبعاً رقم 2 وناسه اما لعبة البلوت لا بد يصير فيه زعل

هل انت متابع للتلفاز وشنو البرامج التي تشدك ؟

- نعم الأفلام الحربيه والمرعبه
مشكور يالغلا
- هلا ياغلاتي مشكور ابو اسامه