البيوت المهمله

**رائد محمد السرحاني** · 01-22-2010, 09:42 PM

رد: البيوت المهمله

قولت نعم من دون غزوه ماتجير
ماكل من ناش الطويله نالها

المرجله بالوقت دلون وسط بير
وعزم الفتى حبلن يدور بجالها

فيلي تبيع الورد دورلي عبير
بنت(ن)تقول البعد لي اشوالها

اقفت وكل مقفت عليا تستدير
بقدام ذبلا دوبها تشتالها

وأقفت كما تقفي المنيه للبصير
ماشفتها ولا عاد شفت ارسالها

**رائد محمد السرحاني** · 01-23-2010, 07:26 PM

رد: البيوت المهمله

يدوم العز والدنيا ذليله
نعيش وكل منا له حصيله

ويارب اكون فيها مثل مانا
وفي(ن)ما مشي درب الرذيله

ندي الكف صميل الراي طيب
برير لوالديني والقبيله

**رائد محمد السرحاني** · 01-23-2010, 10:12 PM

رد: البيوت المهمله

يا ليل سبت(ن)ذكر القلب تذكار
جاب الصديق ألي مركب صديقه

يا ليت ماشفته ولاصار ماصار
ولا رأيت عيون خدرا مويقه

وش فيه مايدري عن البرد والنار
ألي بعيونه ولي من صوت ريقه

وش فيه ناسي للبشر سر وجهار
وحلوم واماني مسره وضيقه

وشلون خلوه العرب يطلع الدار
ومعك ايتمشى كل حين ودقيقه

هذا لو انه مر شايب ومنهار
عود شباب وقال ابيها رفيقه

اما انت ياتذكار دار الذي دار
ما لك صكوك ولا علينا وثيقه

**رائد محمد السرحاني** · 02-22-2010, 06:41 PM

رد: البيوت المهمله

يزود الوجد بغيابك حبيبي والجروح تزود
وموت بلوعة الضيقه ولدري كيف افارقها

يا كيف ألي معه وجهك ونظرات الحنان السود
يعيش القاسي بطبعه وطبعه ما يخالقها

عجزت أفهم مادامي اني معاك الزند والبارود
أعلمك كيف تمسكها وعلمك كيف تطلقها

تماهلت الخطا فيني وتدري في رحيلي نود
هبوب الشك ما غرت من الايام سابقها

تجريت ونسيت الخوف جيت العالمين رقود
رميت بفصلك الجارح علوقن لك معلقها

تهاوى طلعها الباكي ندا والمخظرات حشود
تناحيها الغصون الخاويه من جور طارقها

زبيني من مشيت الصد كل العالمين صدود
صفتلي الضيقه بممشاي تركضلي وسابقها

تزيد خطاي معها والمسافه بالرقوم تزود
ولا يمي لها حروه من السلوى أسارقها

وأنا ألي باخصن فيها دروب تصد كيف تعود
تعانقني محطات الدروب وكنت اعانقها

لكن في تجربة ذا الحب مالي بالزمان شهود
قضية صاحبي كذبه وأنا ألي غصب اصدقها

أوصي كل من حولي انا ماني ترا موجود
اذا وقف على بيباني الصاحب ويطرقها

**بن قبلان** · 02-22-2010, 07:30 PM

رد: البيوت المهمله

رائد محمد السرحاني

صح لسانك على هذه الروائع الجميله

كم تمنيت ان يكون بينها وقت لنتذوق رائعاتك الجميله

اطول وقت وتعطى كل قصيده حقها من الردودوالنقد

تقبل احترامي وتقديري
وسلامى لأبن الخال المحترم ابونواف امده الله بالصحه والعافيه

والأسره الكريمه

**رائد محمد السرحاني** · 03-02-2010, 09:51 AM

رد: البيوت المهمله

[poem="font="simplified arabic,4,blue,bold,normal" bkcolor="white" bkimage="backgrounds/23.gif" border="solid,4,white" type=2 line=0 align=center use=sp num="0,black""]
يا وجودي وجد من باخر عظم ظهره مصابه=والبحر قدام عينه وان سبح يلقى طبيبه

ألتفت للدرب خلفه قفر ثم زاد اكتئابه=ونكسر نصين ما كان بيدينه يرتكيبه

بح صوته يوم في عينه يورا له شبابه=والهوى صحا عيونه يوم حرك له مشيبه

وجد قلبي للحبيب ألي ظنا حالي غيابه=راح مدري وش يرده غير مدري وش يجيبه

وش يفيد ان صار همي قوس والصدر الربابه=او يفيد العين غضه لا غفت قمت أهاذيبه

ما يساوي من دقايق وجد قلبي ونتحابه=مابه اعظم من شباب(ن) مر ما حصل نصيبه

صاحبي ألي كان حبي عشب وشواقي ترابه=وثاني الاكسيد صدقي وشمس وصلي ماتغيبه

ابطى ماجا اتصاله والمسج مثله بطابه=والجروح اطيب مع كل اتصال ولا تطيبه

واعذابي لا دنا ليلي ولا واعذابه=يحسب حبالي اذا غنيت من وجدي طريبه

لو يصير الهجر ذنب ومن تعمد ارتكابه=يحكم بوصل الحبيب اعوام حتى ما يسيبه
[/poem]

**رائد محمد السرحاني** · 04-03-2010, 12:45 AM

رد: البيوت المهمله

[poem="font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جيت مثل الغروب وشهقة انفاس نااي=حي صوتك ولي يشيله وسط راحته
[/poem]

**رائد محمد السرحاني** · 06-12-2010, 09:54 PM

رد: البيوت المهمله

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياربي يلي ترزق العبد والطير=يامن لك احني الراس ورفع كفوفي
راجيك من ودن عسى جيته خير=يرفع بي الهامه ويبدل ظروفي
[/poem]

**رائد محمد السرحاني** · 07-18-2010, 09:39 AM

رد: البيوت المهمله

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ضايق وفيني وحشة الموج والليل=وذكر زمان(ن)كنت انا فيه غالي
بالامس دمعك من كثر شوقه يسيل=واليوم ما كنه علي أمس سالي
ادري نويت تميل من شفتك تميل=من لهفتك من خطوتك برتحالي
مرره معي متغير وصرت بالحيل=تعتب عشان ازعل وتنسى اتصالي
ليه اعتبك وأنا معي شرد الخيل=وعزمي يجيب الي بروس الجبالي
او ليه اسوي وحرق اعصابي واعيل=بسمه .. وغالي غيره ألفين غالي
[/poem]

**رائد محمد السرحاني** · 07-18-2010, 09:41 AM

رد: البيوت المهمله

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الحب مره لانزل دق الاطناب=لاجر من قلبك ولف الشرايين[/poem]

**رائد محمد السرحاني** · 07-18-2010, 09:50 AM

رد: البيوت المهمله

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما على الدنيا ملام ولا عن الذكرى ممات=والقصيد وقسمة الله والظروف وما أبي
[/poem]

**خالد خلف السرحاني** · 07-18-2010, 11:41 AM

رد: البيوت المهمله

الاخ العزيز الحترم
تضل كبير
واتمنى لك التوفيق والوصول الى منصات الشعر العربيه
دمت بخير وعافيه
وعلى المحبه والخير نلتقى

**حادي الوجد** · 08-03-2010, 10:13 AM

رد: البيوت المهمله

عجزت أفهم مادامي اني معاك الزند والبارود
[أعلمك كيف تمسكها وعلمك كيف تطلقها

قصيده جزله اخووي رائد وانا قريت لي بيت من قصيدتك واخذ فكري هالبيت

وحبيت انزل ردي لك على هالبيت اخووك ((السرحاني))

مـدامــك عـجـزت تـكـون مـعـاه الـزنـد والـبـارود
ألاواشيب عيني كنت علمته كف يمسكها وكيف يطلقها

الرجال تفهم كل فعل طيب وكل فعل منقود
والرجـال ماتـكـل لـحـمـها وتـتـرك مـرقـها

**الفقير الى الله** · 08-08-2010, 01:41 PM

رد: البيوت المهمله

ابيات جميله ورائعه وتنم عن قدوم شاااااااعر مبدع اخ رائد

اما الاخ حادي ((السرحاني)) مع احترامي الكثير لك لو اسميت ردك نثراً لاكان اولا ولك احترامي وتقديري

البيوت المهمله

البيوت المهمله

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق