يقول ابن قيضي على طرق الامثال

[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يقول ابن قيضي على طرق الامثال = من عرفه اللي من هل العرف لمّه
يقول من قول العرب مثل مـا قــال = مثايل(ن) للي سمعــها تهمّـــه
ياقلب لا تشـره علـى كـل رجـــال = إلا علـى رجـال امـرك يهمّــــه
حمل الجمل ماله من الزمـل حمال = إلا يكـون اخـوه وإلا ابـن عمّــه
ولا كل ما خيّـل علــى دارك اخيـال = تسقي ثراها المزنه المدلهمّـــه
ولا كل فنجال(ن) من الكيف فنجال = ولا كل عد(ن) يروي الورد جمّه
ولا ينمدح من لافعل زين الافعـــال = لويمـدحـه رجال غيـره يذمّـــه
ولا كل غصـنٍ يتقي الشمس مقيال = غصنا ظليل وغصن ماشئت سمّه
ولا كل رجال(ن) على الوعد بتـال = يمكـن يتم الوعـــد او مـا يتمّـــه
ولا كل مرسالٍ الى ارسلت مرسـال = لا ترسـل إلا من يســد المهمـــه
والعـدل لـه ميزان والكيل مكيـــال = والعلـم نور وغيهب الجهل غمّــه
ون0نية المسيار جت لي على البـال = مـاكل واحـد ناس سيرت يمّــــه
قلبي يقود الرجل في كل مدهـــال = والـى نوا المدهال رجلي تخمــــه
والسّـر حفظه داخل النفـس لازال = ون0 بـاح0 نقـال النميمه ينمّـــــه
وصلاة ربــي عــدّ ماهل همــال = علـى نبي الرحمه لخير امــــــه[/poem]