درس الــغرآم

[poem=font="times new roman,6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
تمثـيل حبك والخـيــانه بطـــوله =إخراجها دمعك وقـلبـك لها انتـــاج

مثـلت دورك بالـغــرام بسهــوله = وألفت قصـة حب وأتقــــنت ألآخراج

وحبكتـها باسلـوب سهـلاً وصوله = وصورتها بإجمل أســاليب الادمـــاج

صرت الضــحية وأنت صرت البطوله= مجروح أناوأنت الــذي عندك اعـلاج

وأصبحت مــغرم فيك منذ الطــفوله=وملكت قلـبي لين الاحسـاس بي هاج

اشغلتني بالحب عــرضه وطــوله= كــني شــراع وتايهاً بين الامـــواج

وين الكـلام اللي عيــــونك تقـوله= ووين الغرام اللـي من القـلب لي لاج

ووين المشــاعر والدلــع والميـوله= ووين الأحاسيس الرقيقة والاحـراج

صدقت نظرات العيون الخجــوله= اللي رمتني بسحرها ظحكة احجاج

وكشفت مالعوبك وبانت فــصوله= وبانت حقيقه أزعجت قلــبي ازعاج

لاشك حنــا للــوفا الـف دولــه= وحنا لهــــا فرسان وجنود وسيــاج

وحنا ترانا من عيال الحمــــوله= وطبع الـوفـا دآيـم على راسـنا تــــاج

والذل والله مــــارظيـنا قبـــوله = ودرب المـــعزة كم لنـا فيه منهـــاج

باعلمك درس الــغرآم وإصـوله= حتى تصـــير اليـوم عبِرة لـــلافواج

الصدق بالإحساس ماحدٍ يطوله=وحب الوفا دآيـم له القلب يحـــــتاج

يوم السنين الماضية والجهوله= الحب مثل الشمس وأبيض من العاج

هذا كلامي وافهم اللي إقـوله= يمكـــــن يصير بدنيتك نور وسراج[/poem]