* خيــــوط العــنكبوت

تعلقت بخيوط العنكبـوت وصـرت بيـن / وبيـــــــن
غفييت ولا صحيت إلا على صبح(ن) كشـف سـره


صباح(ن) كم تركني للهجيـر وكـم هجرنـي ليـــن
تبعثـرت بغياهيـب الحيـاه وضـاعـت الـجُــــــــره


وطحـت ولا لقيـت إلا المـلام ودمعـة الغالـيـــــن
صباحـك غيـر يادمـع(ن) بكانـي مابـرد حــــــره



الشاعر الجميل .. والمميز / عايد السميري


صح لسانك ..


نص رائع رائع رائع ..


نص أروى الذائقه .. ويشفع لك عن هذا الغيااااااااااب ..


نص مليء بالشعر .. ومزدحم بالمفردات العذبه والأفكار النقيه ..


شعراً جزيلاً


محبتي

أسعد السحيمي

صح لسانك أخوي عايد السميري ويعطيك العافية على القصيدة الرائعة وألف شكر لك

تحياتي لك

ثـمان سـنين مـرّن والعـذاب بهـالثمان سنين= أمَـسّـي في يدين الهــم وأصَــبّح عـلى الـمُـــره
عــلى هـالحال وأقول السنين المقبلات تزين= وصار الوقت يسرقني ولا أخذ غير من شــره
أعـــدّلها يمـين يسار وأعـدّل يسار / يمــين= الياما صار يضـرب بي مثل عاقل بني مـره
تشـربكت بغرام اللي لها قلب الشجاع يلين= وصارت هي بصيص النور وبعيني هي الدره
عــليّ تقسى وأنا من حبها صابرعلى الأمْـرين= وعـشـت الواقع اللي من يـعـيشه تاه بالـمــره
تعلقت بخيوط العنكبوت وصرت بين / وبين= غفييت ولا صحيت إلا على صبح(ن) كشف سره
صباح(ن) كم تركني للهجـير وكم هـجرني لين= تبعـثرت بغـياهــيب الحـياه وضـاعـت الـجُــره
وطحـت ولا لقيت إلا الـملام ودمـعة الغالين=صــباحـك غــير يادمـع(ن) بكاني مـابرد حـره
يلـملمني عـتب لين إحـترق قلب وتغطت عين= بحــــزنٍ / لو نسـيــها من شـــقاها ليلها مَـــره
يذكـرها أجمل آمال .. ويعزيها بــ / لا تبكين= يوصــــي له حـزينٍ بالـبكاء والعــين محمـرّه
وأنا: لو قلت أنا يال الأسف يُـسمع صداها / وين=صـــدى صــوتي يضيع وحـــسرتي بالصـدر منْـزرّه
بعــد جت بي خطاياي وسكـنت بمقبرة حيـين= عـــدوي لو شمــت بي قلـت ( طحت ) وللــولي دره
على الجرح الذبابه ترتمي والجرح ( ج ر ح ) الحين=تـضــمــده اللــيالي والــذباب يـمـــر مـــــاضـــره
وعـن قولة (عدوي ) ياصديق الأمس فالك زين= ترى جـــوك مــثل جـــوي وفـيك الناس مـنــغــره
فـقدتك آسـف إني مانسيتك والصحيح يـبـين = صــداقات الرخـاء حبلٍ قـصــير ووقـتـنا جــــره
عـــلى وقـتي بـياض الوجه لو دفـّعني الـثـلـثـين= لأنه بـيّـن وجــيه أصـدقاي إبـكـرّه وفـره
وعـلمني بأن العـمــر لحــظة . والخــطـايا دين= على الأرقاب تبقى لو يطـول الوقـت مفـتره

* عايد السميري
7 / 3 / 1431 هــ