قصيده موجهه للسميـرات . وردالشاعر عايد سالم

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الشعر له ساعه وللهاجس اوقات = ياتنّـك الشـرد خيـولاً مقابيـل
والمدح في بعض الرجاجيل بالذات = يرقى سما ويعانق لنجمة سهيـل
وياخذ على شفه فرايـد امنقـات = تلفي على اللي يتعبوا ضمرالخيل
سلام تسليمة وفـى للسميـرات = أهل الكرم والطيب ذباحت الحيـل
ماقولها لي مقصد اولـي غايـات = الصدق يجبرني بمدح الحلاحيـل
اللي لهم في ذروة المجد طـولات = متوارثين الطيب جيلاً بعد جيـل
عاداتهم كسب الثناء بالصعيبـات = والطيبه كسب الرجال المشاكيـل
يستاهلون المدح في كل الاوقـات = ريف القصير امزبنين المداخيـل
مني لهم اثنـي سـلام وتحيـات = اعداد ماهل المطر وانجلى الليـل
واعداد من سبح بكل الصـلاوات = واعداد ماحدر مع الوادي السيـل
[/poem]









[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]للطيب ساس ولجزل القول شرهـات = والفكر حـرٍ لا كفـخ يعـدل الميـل
والشعر هاجس فكر واوزان وأبيـات = ورد الثناء فنجـال كيـف الرجاجيـل
ودام إن( سالم ) ساقهن عشر جزلات = ومنهن يفوح الصدق والطيب والهيل
يا إبن عياده يااااهلا عشـر مـرات = عشرٍ بعشر وعلهـن يوفـن الكيـل
أقولها واقـف . وتقـرب مسافـات = وتبقى أنت راع الأوله مثـل ماقيـل
وإن كان للتاريـخ ذكـر وسجـلات = وللجود نـاس وللسوالـف مداهيـل
أنتم لكم بالمجـد صولـه وجـولات = وانتم لكـم بالجـود جـود ومنازيـل
أفعالكـم ماهـي مجـرد شـعـارات = ولاهي بمسح الجـوخ والا الأقاويـل
لاقيل ( عصباني ) تبا تشوف الاثبات = تنهض قبيله كامله لـك علـى حيـل
لن الكرم عاداتهم مـن زمـن فـات = وللطيب ساس وللمواقـف رجاجيـل
[/poem]