تويت
يوميات عزوبي
--------------------------------------------------------------------------
السلام عليكم ورحمة الله وبركاته
طاب يومكم وجعل الله كل أوقاتكم سعادة وسرورا
اليوم بقولكم سالفه صارت معي او بالاحرى يوم من حياتي
ان محسوبكم متعزب ( عزوبي ) طبعا السؤال اللي يدور بخاطركم ... سلامات عسى ماشر وين الاهل؟؟؟؟ طبعا هذا الامر لا يعنيكم .... وما احب احد يتدخل بخصوصياتي وشؤوني العائلية .>>>>>>>>>>> لا ماعليه بقولكم : الاهل قشعوا لديره
نرجع لموضوعنا : في مرة من المرات وفي ليلة من الليالي قبل حوالي اسبوع كنت داخلن على النت في مجيلسي وابحر في منتدياتها واغوص في شاتاتها ..... اللي حصل .... فجأة تجيني شهوة على كويسة شاهي منعنع .... اللي حصل سلمكم ناديت زي زي ( دلع شغالتنا والا اسمها الحقيقي زبيدة ) ..يازيزي .... وينك يامال الطرش .... ولا احدن معبرني ... انادي .... ياهوووه ولا عندك احد ...
بصراحة كبرت براسي ... انا انادي ما احد يرد علي .... قوية بحقك ياراسي مصدع ... رح انعن خامسها ... وانا انقز و وينك يالمطبخ ويوم دخلت المطبخ .. وانا انصدم باللي شفته ... شين ما ينقال بس ابي اقوله واللي يصير يصير ... شين من هول اللي انا شفته تسمرت ركبي ... معقوله ؟؟؟ تدرون وش شفت .... ؟؟ شفت ... شفت ... شفت المطبخ فاضي وتذكرت ان زيزي مع اللي طلعوا للديره مسكينه زيزي اللحين غير راسها ادربيه بخشم الهفهف>>> عادي الانسان نساي .
اللي حصل اني قلت لنفسي : ما قدامك يا اوسكار غير المثل الامريكي من اراد الشاهي فليسويه بنفسه.
.... المهم مليت البريق موية .... شبيت الغاز .... ورحت انسدحت بمجلسي فوق كنبتي الوثيرة >>>>>>>نصاب قاعدن على جاعد مهديته لنا الجده مع امديهنه سمن )) وقعدت اعوم في النت .... نص ساعه والبريق لا صفر ولا زمر ولا دق لي بوري .... فزيت عسى قلوبكم ماتفز بشر وقلت ياولد انقز شف اللي صاير وش بلاه البريق يمكن حلقه يعوره وما يعرف يصفر .... نقزت زي الذيب للمطبخ >>>>>>> وطالع وأستطلع الا والامور تمام كل شي مثل ما حطيته بس الاسطوانه على اخر نفس منتهيه يبي لها من ينقز ويدهديها لين السياره ويعبيها>>>> ابوك يا التفاصيل.
يوم شفت الدنيا خربانه معي قلت ما في غير اتصل على ولد عمي وقول له وش اخبار العم وش اخبار الاهل
ارفع صوتك ما اسمعك ولا اقولك احسن شي ابي اجيك وأتعلمك زين واخذ اخبارك >>>>>> يلعن قطة الوجه
يا شين العزوبيه شيناه
زبدة الهرج هنيا ليه العزوبي سواء كان متزوج وعزوبيته حاله طارئه او غير متزوج وراحو عنه الاهل مثلي
ما نعرف ندهر ونقوم بما يلزمنا من غير مساعده الاهل او الشغاله او الجيران >>> ما عندي مانع لو يرسلو لي عشا))
او المغاسل والبوفيات والمطاعم.. ليه البعض فينا وليس الكل يضيع في شربة ميه لا راحوا عنه هله
وتكثر زياراته للاقارب وتكثر عليه العزايم شفقة بحاله
موضوع من واقع الحال وشكرا
السلام عليكم ورحمة الله وبركاته
طاب يومكم وجعل الله كل أوقاتكم سعادة وسرورا
اليوم بقولكم سالفه صارت معي او بالاحرى يوم من حياتي
ان محسوبكم متعزب ( عزوبي ) طبعا السؤال اللي يدور بخاطركم ... سلامات عسى ماشر وين الاهل؟؟؟؟ طبعا هذا الامر لا يعنيكم .... وما احب احد يتدخل بخصوصياتي وشؤوني العائلية .>>>>>>>>>>> لا ماعليه بقولكم : الاهل قشعوا لديره
نرجع لموضوعنا : في مرة من المرات وفي ليلة من الليالي قبل حوالي اسبوع كنت داخلن على النت في مجيلسي وابحر في منتدياتها واغوص في شاتاتها ..... اللي حصل .... فجأة تجيني شهوة على كويسة شاهي منعنع .... اللي حصل سلمكم ناديت زي زي ( دلع شغالتنا والا اسمها الحقيقي زبيدة ) ..يازيزي .... وينك يامال الطرش .... ولا احدن معبرني ... انادي .... ياهوووه ولا عندك احد ...
بصراحة كبرت براسي ... انا انادي ما احد يرد علي .... قوية بحقك ياراسي مصدع ... رح انعن خامسها ... وانا انقز و وينك يالمطبخ ويوم دخلت المطبخ .. وانا انصدم باللي شفته ... شين ما ينقال بس ابي اقوله واللي يصير يصير ... شين من هول اللي انا شفته تسمرت ركبي ... معقوله ؟؟؟ تدرون وش شفت .... ؟؟ شفت ... شفت ... شفت المطبخ فاضي وتذكرت ان زيزي مع اللي طلعوا للديره مسكينه زيزي اللحين غير راسها ادربيه بخشم الهفهف>>> عادي الانسان نساي .
اللي حصل اني قلت لنفسي : ما قدامك يا اوسكار غير المثل الامريكي من اراد الشاهي فليسويه بنفسه.
.... المهم مليت البريق موية .... شبيت الغاز .... ورحت انسدحت بمجلسي فوق كنبتي الوثيرة >>>>>>>نصاب قاعدن على جاعد مهديته لنا الجده مع امديهنه سمن )) وقعدت اعوم في النت .... نص ساعه والبريق لا صفر ولا زمر ولا دق لي بوري .... فزيت عسى قلوبكم ماتفز بشر وقلت ياولد انقز شف اللي صاير وش بلاه البريق يمكن حلقه يعوره وما يعرف يصفر .... نقزت زي الذيب للمطبخ >>>>>>> وطالع وأستطلع الا والامور تمام كل شي مثل ما حطيته بس الاسطوانه على اخر نفس منتهيه يبي لها من ينقز ويدهديها لين السياره ويعبيها>>>> ابوك يا التفاصيل.
يوم شفت الدنيا خربانه معي قلت ما في غير اتصل على ولد عمي وقول له وش اخبار العم وش اخبار الاهل
ارفع صوتك ما اسمعك ولا اقولك احسن شي ابي اجيك وأتعلمك زين واخذ اخبارك >>>>>> يلعن قطة الوجه
يا شين العزوبيه شيناه
زبدة الهرج هنيا ليه العزوبي سواء كان متزوج وعزوبيته حاله طارئه او غير متزوج وراحو عنه الاهل مثلي
ما نعرف ندهر ونقوم بما يلزمنا من غير مساعده الاهل او الشغاله او الجيران >>> ما عندي مانع لو يرسلو لي عشا))
او المغاسل والبوفيات والمطاعم.. ليه البعض فينا وليس الكل يضيع في شربة ميه لا راحوا عنه هله
وتكثر زياراته للاقارب وتكثر عليه العزايم شفقة بحاله
موضوع من واقع الحال وشكرا
تعليق