من عذابي شق لك ثوب ارتياح.. وفي ألم روحي تسلى ياقمر

[poem="font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من عذابي شق لك ثوب ارتياح =وفي ألم روحـي تسـلى يا قمر


يا حياتي ما تقاسمنا الجراح = والصـبر والله ما عنـدي صبر


كان في قلبك سعادة وانشراح= شوفها أشواقي أحرّ من الجمر


قربكم أحلى من إشراق الصباح = لكن المقسوم ما مـنّه مفـر



دونكم حال القدر والحظ طاح= وصارت عيوني أسيره للسهر


طال بي مسراي لين الصبح لاح= وانتهى في بابكم عمر السفر


قوم فك الباب للشوق اجتياح= لا تباطى ما لكم دوني عذر


وشاهدي حزني على صدري وشاح= واقري اهمومي على وجهي سطر


وعاتبيني من مساكي للصباح=واقبلي عذري إذا جيت اعتذر


في حياة الناس شئ اسمه سماح=سامحيني كان لي عند قدر


يا الكريمة ما قريتي بالصحاح= ما يرد من القدر كثر الـحـذر


وما أبي يوصل رجاي الانبطاح =لا ورب الناس ما أترجى بـشـر


هامتي تعلو على درب الكفاح =ولو تروح الروح ما نحني الظهر[/poem]