عبدالله بن عوده العرادي يمدح فيها رشيد بن سلامه العقيص الوابصي

هذة القصيدة للشاعر عبدالله بن عوده العرادي يمدح فيها رشيد بن سلامه العقيص الوابصي

المناسبة :
عندما طلب رشيد بن سلامه العقيص الوابصي من عبدالله عوده العرادي ان يرسل عليه قصيده يمدحه فيها
وأرسل له هذه القصيده :

[poem=font="Andalus,5,blue,bold,italic" bkcolor="burlywood" bkimage="" border="groove,8,blue" type=1 line=0 align=center use=ex num="0,black"]
جانا جواب رشيد ما فيه تقصير = جابه لنا مرساله اللي موصيه
له عندنا واجب وشيمه وتقدير = يطلب بيوت جداد يا الله تحييه
رشيد ربعه ينطحون الطوابير = وكان يعد بفعله اللي يسويه
خاض البحور اللي قطع سالم الزير = ولو كثرت الشداد حظه يباريه
عاداته الجزلات ما هي تصاوير = والمدح ما يستاهله غير راعيه
خواله(1) الشجعان ريف المسايير = فكاكت المضيوم لنه أنطمع فيه
أفعالهم ما هي حجاوي وتزوير = رشيد له تاريخ كلاً سمع فيه
والعد يعرف له رسوم ومصادير = لو طالت الايام تلقى رواسيه
والكذب ما له ساس مثل المعاصير = ولا ينفع الهزلان ليله تعشيه
واللي يشوف الناس مثل العصافير = يضره عليها ومات ما هي حواليه
ياخذ مع الدرب المزله مشاوير = ودرب الهدى جنب عنه ما يلقيه
ولو تطلبه حاجه عطاك التعذير = مثل الهدف لنك رميته وتخطيه
من جالس الكوعان كنه على كير = لبد ما ينفض شراره ويعميه
وراع الحسد ما له علاج وتخاتير = قلبه مريض وداه ماحد يداويه
واهل الشرف يسعون في نية الخير = والنذل يفرح في مصايب بن أخيه
ومن زان فعله له شهامة وتقدير = ولا الخبيث يعل جاره ويغثيه
ولا ينكر المعروف غير الدناقير = والطيب ما ينفع بهم لو تسويه
والعفن لو يتباع باربع دنانير = ربحان بياعه وخسران شاريه
والنقنقة يمشي بها الصبح وعصير = يبغى يفرقها على اللي حواليه
يحط بالمخلوق عيب ومعايير = ياقع محل التهلكة ويش يدريه
أخر مصيره طاح في قاعة البير = مدت مقيط اللي ارشا انقطع فيه
وصلاة ربي عد وبل الشخاتير = على نبياً كل مذن يناديه [/poem]

(1) - خواله : هم الفريجات من العرادات