قصيدة الطيب ساس وبالأوادم غريزة..!!

بسم الله الرحمن الرحيم
السلام عليكم ورحمة الله وبركاته
هذة القصيدة قلتها معبرا فيها عن الطيب واهلة,,,,

[poem="font="simplified arabic,5,black,bold,normal" bkcolor="transparent" bkimage="./images/backgrounds/6.gif" border="double,4,gray" type=2 line=0 align=center use=ex num="0,black""]
الطيب ساس وبالأوادم غريزة=يولد مع الأنسان وهبة من الله
عامل وراثي صاحبة فية ميزة=فارد حجاجة تعرفة من محياة
بالمجتمع محبوب نفسة عزيزة=باله وسيع يمد يدة لمن جاة
واليا طرح موضوع كلن يجيزة = راية سليم وناجحاً لاتبناة
عندة الدنيا ماتساوي بريزة=عايش عزيز ومقتنع ربك اغناة
الله يعينة للبشر لايعيزة= حيث الكريم يجود من فعل يمناة
رغم الحداثة للجماعة ركيزة=ظاهر مع الأجناب صيتة وطرياة
في مجلسة تكفيك تمرة عنيزة= تسوى جزور في حفلة مباهاة
ولا الردي تلقاة يكثر قميزة= ضاقت علية الدار والضيف خلاة
يحسب رصيدة مايفرط ببيزة=واحد بخيل وكم واجب تعداة
[/poem]