قصيدة الأسبوع للشاعر المبدع : مشهــــور يوســــف الســـــــرحاني

[poem=font="MS Dialog,5,black,bold,normal" bkcolor="transparent" bkimage="./images/backgrounds/19.gif" border="none,4,gray" type=2 line=0 align=center use=ex num="0,black"]
!
!
لامني وجه الزمـان ولاعلـى مثلـي ملامـه=
الحسود اطفيت ضوه والحبيب اوقـدت نـاره
انتخيت بطيـب نفسـي والمعـزه والكرامـه=
مارجيـت الا العزيـز ولاوقفـت الابــداره
لابس(ن)ثوب الخضوع وساكب(ن)دمع الندامه=
والرجا والخوف يسكن خافقي تـاره وتـاره
واعترافي بالحقايـق ذروة الحـق وسنامـه=
والحظيظ المخطي اللي عاد للدرب ومسـاره
ماجزعـت ولانصبـت ولاتطبعـت الشهامـه=
الوفا طبعي وعارف وين ربحـي والخسـاره
الرفيق اعطيه حقـه لـه مكانـه واحترامـه=
والبعيد احـذر جنابـه لاانتقـاص ولاعيـاره
المواجيب ان دعتني جيتهـا مرفـوع هامـه=
حافظ(ن)درس الجدود مساير(ن)ركب الحضاره
ثروتي عرف الرجال اهل اللبابـه والفهامـه=
اعتبرها اكبر غنيمه واعتبرها اكبـر تجـاره
ماطمعت الابربي خالـق(ن) شرقـه وشامـه=
الحكيم اللي رضيت بكـل حكمـه واختيـاره
والصبر دقيت بابه عن شقـا الـذل ومقامـه=
احتفابي واحتواني واحتفل بـي فـي ديـاره
والليالي لـو تكـدر حزنهـا مثـل الغمامـه=
تنقشع والروض يزهر ويتمايل فـي خضـاره
والفجر لابان ضوحه يقتـل الليـل وضلامـه=
يبتدي صبح(ن) جديد(ن) يكسي الكون بنهاره
الامل مشرق ويرسل من شقا الغربه سلامـه=
ناوي الرجعه.. من اللي ياخذ لعلمه بشـاره؟
لاح برقه وارقصت له كل ضحكه وابتسامـه=
والصحار المهمهيـه دونهـا نسـدل ستـاره
بعدهـا مالـه عليـه لاعتـاب ولامـلامـه=
الحسود اطفيت ضوه والحبيب اوقـدت نـاره
________________
[/poem]