ياسعود

مشاركة بمناسبة تخرج الاخ سعود ظاهر الهرفي وعودته الى ارض الوطن
والاخ سعود من المشجعين لي والمحفزين على الابداع وهذه الكلمات اقل
هدية اقدمها له
[poem="font="simplified arabic,5,royalblue,normal,italic" bkcolor="transparent" bkimage="./images/backgrounds/15.gif" border="double,5,gray" type=2 line=0 align=center use=ex num="0,black""]
ماهي غريبة كسب الامجاد ياسعود"="والمجد ورثك من قديمٍ وحاضر
لانك سليل اهل المواجيب والجود"=" وابوك راع الجود والطيب ظاهر
ياما صبرت سنين والصبر محمود"=" ويطلع مطاليع العلا كل صابر
وياما سهرت ايام بيضٍ على سود"=" ومن يطلب العليا قضى الليل ساهر
رجلك معودها على ماقف الكود"=" وعينك ميممها النجوم الزواهر
والرجل له غايات والعمر محدود"=" ولايكسب الطولات غير المثابر
ياسعود فيك الطيب مثني ومردود"=" لانك ولد راع المعاميل ظاهر[/poem]