تويت
يازين
يـا زيـن وينـك يـوم الأحـلام ثـره
يوم الهوى يلعب بخفاق شاعـرك
يومك بعينـي اجمـل البيـض طـره
والروح ترعى بالموده مشاعـرك
بعض الغلا ما منـه غيـر المضـره
لي صار خلك بالهوى ما يشاطرك
الـيـوم لا تعـتـب عـلــي وتـشــره
كانـي بليـا قصـد حسيـت خاطـرك
سامـح جريـح ٍنفسـه اليـوم حــره
عاذر ولا له شف ينهـى ويامـرك
القلب مـا يوخـذ علـى حيـن غـره
ما ينخدع لو غرق الدمـع ناظـرك
أنـا نسيـت الـود يــا صــاح مــره
ماضيـك مـا خلـى بقايـا لحاضـرك
النهـر جــف ولا بـقـى إلا مـجـره
ابطا وهو يخطي سحابك وماطرك
تعليق