تويت
عبدالله الميزاني
عساها ليلة ميقافها ماشافها الحساد *** ذوي عباد ماتفنى ولاتفنى ذخايرها
منيف المنقره
نسلم ثم نرحب ثم بعد نصفر العداد *** وأنا ماكل بندق تعترض بالدرب أثورها
عبدالله الميزاني
أنا بحلف عليك أنك نزيعه من ثمود وعاد *** ثمود وعاد تكبر ....وأدنى مايصغرها
منيف المنقره
................ طريقه مصطفى العقاد *** يابو نفس رقيقه رب نفسك لاتعورها
عبدالله الميزاني
...................نقصك غير شداد *** وأنحرك الديار اللي وسيعات مناحرها
منيف المنقره
تعرض للجمل واركب عليه وخوذ لك مشداد *** ولاشفت الطيور موقعه وقف وطيرها
عبدالله الميزاني
....تاريخي الهجري .... تاريخك الميلاد **** وانا ربي بلاني في بلي ولا مقادرها
منيف المنقره
أقول النار شبت وانطفت من دون قدح زناد *** وانا ماادور الفتنه يالو غيري يدورها
عبدالله الميزاني
غريب أنك تكلم وانت مالك فالبلاد بلاد *** كبن أن امك يبين كبرها من روس أظافرها
منيف المنقره
أنا بشهد شهادة حق أنك عنتر الشداد *** وعنتر مايغاضب والديه وأمه يقدرها
عبدالله الميزاني
ليا راحت وجات وعودت شاعر قريب ماد *** وبعض الناس لو تعرف تجارها مانسعرها
منيف المنقره
عسى ربي يعيض المسلم اللي فالبلد كداد *** محلات الذهب بكره يبا يفلس ويجرها
منقوووول
[/url]
تعليق